PAGKABUHI BILANG CRISTIANO
Nagapangabudlay Sila Para sa Aton
Ang mga manugtatap sang sirkito kag ang ila asawa nagasakripisyo gid para sa mga kauturan. Pareho sa aton, may mga kinahanglanon man sila. Nagabatyag man sila sing kakapoy, nagaluya ang buot, kag nagakabalaka. (San 5:17) Pero kada semana, nagapokus sila sa pagpalig-on sa mga kauturan sa kongregasyon nga ila ginabisitahan. Gani ang mga manugtatap sang sirkito “takus padunggan sing doble.”—1Ti 5:17.
Sang nagplano si apostol Pablo nga magbisita sa Roma para ‘mapaambit niya ang espirituwal nga dulot’ sa mga kauturan didto, handum gid niya nga ‘magpalig-unay’ sila. (Ro 1:11, 12) Napamensar mo na bala kon paano mo mapalig-on ang inyo manugtatap sang sirkito kag ang iya asawa?
TAN-AWA ANG VIDEO NGA ANG KABUHI SANG MANUGTATAP SANG SIRKITO NGA MALAYO SA SIUDAD, DAYON SABTI ANG MASUNOD NGA MGA PAMANGKOT:
Ano nga mga sakripisyo ang ginahimo sang mga manugtatap sang sirkito kag sang ila asawa para sa kongregasyon?
Paano ka nakabenepisyo sa ila mga ginhimo?
Paano naton sila mapalig-on?