PAGKABUHI BILANG CRISTIANO
Magsalig kay Jehova Kon Gina-bully Ka
Kon gina-bully ka, mahimo ka masakitan sa pisikal ukon ma-depress. Mahimo pa gani magluya ang imo espirituwalidad kon mahadlok ka bangod sa ila pagpamatok sa aton pagsimba. Ano ang himuon mo para maproteksionan ang imo kaugalingon sa mga nagapang-bully?
Nasarangan sang madamo nga sumilimba ni Jehova ang pagpang-bully paagi sa pagsalig sa Iya. (Sa 18:17) Halimbawa, ginsugid ni Ester sa hari ang plano sang malain nga nagapang-bully nga si Haman. (Est 7:1-6) Antes niya ini ginhimo, ginpakita niya nga nagasalig sia kay Jehova paagi sa pagpuasa. (Est 4:14-16) Ginpakamaayo ni Jehova ang iya mga ginhimo kag ginproteksionan sia kag ang iya katawhan.
Mga pamatan-on, kon gina-bully kamo, mangamuyo kay Jehova kag isugid ini sa isa ka adulto, pareho sa inyo ginikanan. Makasalig kamo nga buligan kamo ni Jehova pareho sa ginhimo niya kay Ester. Ano pa ang himuon ninyo para masarangan ang pagpang-bully?
TAN-AWA ANG VIDEO NGA KABUHI SANG TIN-EDYER—PAANO KO ATUBANGON ANG PAGPANG-BULLY?, DAYON SABTI ANG MASUNOD NGA MGA PAMANGKOT:
Ano ang matun-an sang mga pamatan-on kanday Charlie kag Ferin?
Ano ang matun-an sang mga ginikanan sa ginsiling nanday Charlie kag Ferin kon paano nila buligan ang ila kabataan nga gina-bully?