Ang Integridad kag ang Aton Panghunahuna

Mapakita naton ang aton integridad indi lang sa aton mga ginahambal kag ginahimo, kundi sa aton man ginahunahuna. (Sa 19:14) Gani, ginapalig-on kita sang Biblia nga hunahunaon ang bisan ano nga butang nga matuod, serioso, matarong, matinlo, hiligugmaon, dungganon, maayo, kag dalayawon. (Fil 4:8) Siempre, indi naton pirme malikawan nga maghunahuna sang indi maayo. Pero, makabulig sa aton ang pagpugong sa kaugalingon nga isikway ang malain nga panghunahuna kag buslan ini sing maayo. Kon huptan naton ang integridad sa aton panghunahuna, mahuptan man naton ang integridad sa aton mga ginahimo.​—Mar 7:​21-23.

Sa masunod nga mga teksto, isulat ang klase sang panghunahuna nga dapat naton likawan:

Ro 12:3

Lu 12:15

Mat 5:28

Fil 3:13