Mangita sang Espirituwal nga mga Hiyas nga Maaplikar Mo

Kon nagabasa kita sang Biblia, makakita kita sang espirituwal nga mga hiyas paagi sa pag-research. Ano ang himuon naton para makabenepisyo kita sa aton pag-research?

Usisaa sing maayo ang detalye sang mga kasaysayan sa Biblia. Halimbawa, hibalua kon sin-o ang nagsulat sini, para ini kay sin-o, kag san-o niya ini ginsulat. Ano ang kahimtangan sang ginsulat niya ini, ano ang natabo antes sini, kag ano ang natabo pagkatapos sini?

Hibalua ang mga leksion nga matun-an mo. I-research ang mga sabat sa mga pamangkot nga: ‘Ano ang nabatyagan sang mga karakter sa ginabasa ko nga kasaysayan? Ano nga mga kinaiya ang ila ginpakita? Ngaa dapat ko ilugon ini nga mga kinaiya ukon ngaa dapat ko ini likawan?’

Iaplikar ang mga leksion nga natun-an mo. Puede mo ini iaplikar sa imo pagbantala kag pagtudlo sa iban ukon sa imo pagtratar sa iban nga tawo. Kon himuon mo ini, ginapakita mo nga maalam ka kay ang Biblia nagasiling: “Ang maalam magabinagbinag sini nga mga butang.”​—Sal. 107:43.

• Tip: Sa bahin nga Mga Bahandi sa Pulong sang Dios sa midweek miting, may mga impormasyon nga makabulig sa aton nga hunahunaon kon paano naton iaplikar ang aton natun-an. May ara ini mga pamangkot nga mapamangkot naton sa aton kaugalingon, mga punto nga mapamalandungan naton, kag mga piktyur nga makatudlo sa aton.