Kon Paano Magtuon

Tun-i sing Maayo ang mga Kinaiya ni Jehova

Sa kada tion nga nagabasa kita sang Biblia, madamo kita sang puede gamiton nga mga gamit para sa pag-research. Pero, wala lang kita naga-research para madugangan ang aton ihibalo parte sa Biblia. Sa baylo, naga-research kita bangod gusto naton nga matun-an ang mga kinaiya ni Jehova para mas palanggaon pa gid naton sia. Gani kon nagabasa kita sang isa ka kasaysayan sa Biblia, pamangkuton naton ang aton kaugalingon, ‘Ano ang matun-an ko sa sini nga kasaysayan parte kay Jehova?’

Halimbawa, puede naton i-research kon paano ginpakita ni Jehova nga mahigugmaon sia, maalam, matarong, kag gamhanan. Pero madamo pa si Jehova sang mga kinaiya nga puede naton matun-an. Paano mo madugangan ang imo nabal-an parte sa mga kinaiya ni Jehova?

Gamita ang Giya sa Pagtuon Para sa mga Saksi ni Jehova. Pangitaa ang topiko nga “Jehova nga Dios” kag ang subtitulo nga “Kinaiya ni Jehova.” Dayon, pangitaa sa sini ang dugang nga mga impormasyon parte sa mga kinaiya ni Jehova nga natun-an mo sa imo pagbasa sang Biblia.