Inaway—Kon Ano ang Himuon sang Ginharian sang Dios

Sa bilog nga kalibutan, madamo ang nahalitan kag nagaantos bangod sang sigesige nga inaway. Binagbinaga ang masunod nga mga report:

• “Sang nagligad nga tuig, mas madamo nga tawo ang napatay bangod sa inaway, ilabi na sa Ethiopia kag Ukraine, sangsa bisan ano nga tuig halin sang 1994.”—Peace Research Institute Oslo, Hunyo 7, 2023.

• “Ang inaway sa Ukraine isa lang sa mga inaway nga naglala pa gid sang 2022. Sa bilog nga kalibutan, nagdamo pa gid sing 27 porsiento ang inaway bangod sa pulitika sangsa nagligad nga tuig. Naapektuhan sini ang mga 1.7 ka bilyon nga tawo.”—The Armed Conflict Location & Event Data Project (ACLED), Pebrero 8, 2023.

Ang Biblia nagahatag sang paglaum. Nagasiling ini nga “ang Dios sang langit magatukod sing isa ka ginharian nga indi gid malaglag.” (Daniel 2:44) Kon maggahom na ina nga Ginharian, ukon gobierno, ‘pauntaton sang Dios ang mga inaway sa bug-os nga duta.’—Salmo 46:9.