Problema sa Pag-atipan sa Ikaayong Lawas—Kon Ano ang Himuon sang Ginharian sang Dios

“Bisan ang COVID-19 indi na isa ka global health emergency, indi buot silingon nga ang COVID-19 indi na makahalit sa panglawas sang mga tawo sa bilog nga kalibutan. . . . Kon mag-abot ang masunod nga pandemic, kag sigurado nga maabot gid ini, dapat mangin handa kita.”—Dr. Tedros Adhanom Ghebreyesus, director-general sang World Health Organization, Mayo 22, 2023.

Madamo gihapon nga tawo ang nagaantos sa pisikal kag mental nga epekto sang COVID-19 nga pandemic. Handa bala ang mga gobierno kag ang mga organisasyon nga nagaatipan sa ikaayong lawas sang mga tawo kon mag-abot ang masunod nga pandemic, kag mabuligan bala nila kita nga masolbar ang mga problema sa panglawas subong?

Ginasugid sang Biblia ang isa ka gobierno nga makahatag sang maayo nga panglawas sa aton. Nagasiling ini nga “ang Dios sang langit magatukod sing isa ka ginharian,” ukon gobierno. (Daniel 2:44) Kon maggahom na ini nga gobierno, “wala sing pumuluyo nga magasiling: ‘Nagamasakit ako.’” (Isaias 33:24) Ang tanan mangin mapagros kag magabalik ang kusog pareho sang pamatan-on pa sila.—Job 33:25.