Ang Dios Bala Isa Lamang ka Puersa?

Ang sabat sang Biblia

Wala sing tupong ang puersa nga gingamit sang Dios sa uniberso. Parte sa pagtuga niya sa binilyon ka bituon, ang Biblia nagsiling: “Magtangla kamo sa langit kag tan-awa. Sin-o ang nagtuga sini sa nga mga butang? Sia nga nagsugo sa ila hangaway suno sa ila kadamuon; Tanan sila ginatawag niya [sang Dios] sa ila ngalan. Bangod sa iya daku nga kusog kag makahalawhaw nga gahom, wala sing isa sa ila ang nakulang.”—Isaias 40:25, 26.

Pero indi lang isa ka gamhanan nga puersa ang Dios. Suno sa Biblia, may balatyagon sia, nagahigugma sia kag nagakaugot. (Salmo 11:5; Juan 3:16) Ginapakita man sini nga apektado ang Dios sa ginahimo sang mga tawo.—Salmo 78:40, 41.