Ang Dios Bala ang Balasulon sang Aton Pag-antos?

Ang sabat sang Biblia

Indi. Maathag nga ginapakita sang Biblia nga indi katuyuan ni Jehova nga Dios nga mag-antos ang tawo. Pero, nagrebelde ang una nga mag-asawa sa paggahom sang Dios. Gusto nila nga sila ang mahimo sang ila talaksan sang maayo kag malain. Nagtalikod sila sa Dios kag gin-ani nila ang malain nga resulta sini.

Nagaantos man kita subong bangod sa ila ginhimo. Pero indi ang Dios ang balasulon sa pag-antos sang tawo.

Ang Biblia nagasiling: “Kon yara sa pagtilaw, wala sing isa nga magsiling: ‘Ginatilawan ako sang Dios.’ Kay ang Dios indi matilawan sa malaut nga mga butang kag wala man sia nagatilaw kay bisan sin-o.” (Santiago 1:13) Halos tanan kita mahimo mag-antos—pati ang mga ginakahamut-an sang Dios.