Gintuga Bala sang Dios ang Yawa?

Ang sabat sang Biblia

Ginapakita sang Biblia nga ang Yawa wala gintuga sang Dios. Sa baylo, gintuga Niya ang persona nga nangin Yawa. Parte sa Dios, ang Biblia nagasiling: “Ang iya binuhatan himpit; kay ang tanan niyang dalanon katarungan. Dios sang katutum kag walay kalautan, matadlong kag matarung sia.” (Deuteronomio 32:3-5) Base sa sini, masiling naton nga si Satanas nga Yawa perpekto kag matarong sadto, kag isa sa mga anghel nga anak sang Dios.

Sa Juan 8:44, si Jesus nagsiling nga ang Yawa ‘wala magpabilin nga malig-on sa kamatuoran.’ Buot silingon, si Satanas matarong kag wala sing sayop sadto.

Pero, pareho sa iban nga intelihente nga tinuga ni Jehova, ang anghel nga nangin Satanas hilway man sa pagpili sa husto ukon sala. Ginpili niya ang pagpamatok sa Dios kag ginhaylo ang una nga mag-asawa nga magbuylog sa iya. Gani, ginhimo niya ang iya kaugalingon nga Satanas, nga nagakahulugan “Manugpamatok.”—Genesis 3:1-5; Bugna 12:9.