Nagapabulong Bala Kamo?

Huo, ang mga Saksi ni Jehova nagapabulong. Ginatinguhaan namon nga atipanon sing maayo kag halungan ang amon panglawas, pero kon kaisa ‘nagakinahanglan man kami sang doktor.’ (Lucas 5:31, Ang Pulong sang Dios, APD) Ang matuod, pareho sang isa ka Cristiano sang unang siglo nga si Lucas, ang iban nga Saksi ni Jehova mga doktor man.—Colosas 4:14.

May mga paagi sa pagbulong nga supak sa mga prinsipio sang Biblia, kag wala namon ini ginabaton. Halimbawa, wala kami nagapatughong sang dugo, bangod ginadumilian sang Biblia ang pagpasulod sang dugo sa lawas. (Binuhatan 15:20) Ginadumilian man sang Biblia ang mga paagi sa pagbulong nga nagagamit sing espiritismo.—Galacia 5:19-21.

Pero ang kalabanan nga pagbulong indi supak sa mga prinsipio sang Biblia. Gani, personal ini nga desisyon. May mga paagi sa pagbulong nga mahimo batunon sang isa ka Saksi, pero mahimo indi pagbatunon sang iban nga Saksi.—Galacia 6:5.