Nagawali Bala ang Inyo Miembro nga mga Babayi?

Huo. Ang tanan nga Saksi ni Jehova mga manugwali, ukon ministro​—lakip ang minilyon ka babayi. Subong gintagna sa Biblia, ‘madamo nga mga babayi ang nagadala sini nga balita.’​—Salmo 68:11, Maayong Balita nga Biblia.

Ang mga babayi nga Saksi ni Jehova nagasunod sa halimbawa sang mga babayi sa Biblia. (Hulubaton 31:10-​31) Bisan pa wala sila nagapanguna sa kongregasyon, may daku sila nga papel sa pagwali sa publiko. Ginatudluan man nila ang ila mga bata sang mga prinsipio sa Biblia. (Hulubaton 1:8) Paagi sa ila hambal kag buhat, ginatinguhaan gid sang mga babayi nga Saksi nga mangin maayo nga impluwensia.​—Tito 2:​3-5.