Watchtower ONLINE NGA LIBRARY
Watchtower
ONLINE NGA LIBRARY
Hiligaynon
  • BIBLIA
  • PUBLIKASYON
  • MITING
  • ijwwd artikulo 16
  • Ang Echolocation sang Kabog

Wala ang video nga ginpili mo.

Sorry, may error sa pag-load sang video.

  • Ang Echolocation sang Kabog
  • Gindesinyo Bala Ini?
  • Pareho nga Materyal
  • Nagalupad nga Hardinero sang Tropikal nga Kagulangan
    Magmata!—2014
  • Ang Pinakagamay nga Kabug sa Kalibutan
    Magmata!—2010
  • Ang Tumalagsahon nga Ikasarang sang Pakpak
    Magmata!—2009
  • Pagbantay sa Kalibutan
    Magmata!—2010
Mangita sing Iban Pa
Gindesinyo Bala Ini?
ijwwd artikulo 16
Kabog nga nagalupad sa sulod sang kueba.

GINDESINYO BALA INI?

Ang Echolocation sang Kabog

Makakita ang mga kabog, pero para mabatyagan nila ang ila palibot kon gab-i, madamo nga espesyi sang kabog ang nagagamit sang echolocation—ang paghibalo sang distansia sang isa ka butang paagi sa pagpamati sa lanog sini. Halimbawa, mabal-an sang pila ka kabog kon bala lamok ukon beetle ang insekto paagi sa kadasigon sang pagkapakapa sini.

Binagbinaga: Kalabanan sa mga kabog nagahimo sang tunog paagi sa ila larynx kag ginapagua nila ini sa ila baba ukon ilong. Kon magbunggo ang tunog sa isa ka butang, ginagamit sang mga kabog ang ila dalagku nga mga dulunggan para mabatian nila ang lanog ukon echo sini. Sa bulig sini nga mga lanog, makahimo ang kabog sang larawan sang palibot sa iya hunahuna. Bangod sini, mahibaluan sang kabog ang lokasyon, ang kataason, kag ang kalayuon sang isa ka butang bisan pa may mga gahod halin sa iban nga kabog.

Dapat nga sibu gid kaayo ang echolocation sang kabog, kay kon magsala ini sing bisan isa lang ka millisecond (1/1,000 sang isa ka segundo), magalayo na ini sing mga 17 sentimetros sa iya target. Suno sa mga researcher, ang pagkasibu nga sobra pa sa isa ka millisecond “daw imposible gid.” Pero nakita sa mga pagtuon parte sa kabog nga ang echo time precision sang mga kabog 10 ka nanosecond (1/100,000,000 sang isa ka segundo), gani nahibaluan gid sang mga kabog ang insakto nga distansia, kag kon maglisa gid man ini sa target, isa lang ka milimetro ukon kubos pa!

Naghimo ang mga researcher sing electronic nga baston nga may echolocation para buligan ang mga bulag nga maimadyin ang ila palibot kag malikawan ang nagabalabag nga mga butang, pati ang puede bungguan sang ila ulo pareho sang nagalaylay nga sanga sang kahoy. “Napensaran namon nga maghimo sini nga baston base sa tumalagsahon nga abilidad sang kabog sa paggamit sang echolocation,” siling ni Brian Hoyle kag Dean Waters, nga duha sa mga nagdesinyo sang ginatawag nga Batcane.

Bulag nga tawo nga may electronic nga baston. Ang echolocation sang baston nagasignal sa bulag nga may fire hydrant sa iya alagyan.

Ano sa banta mo? Ang dalayawon nga abilidad sang kabog sa paggamit sang echolocation resulta bala sang ebolusyon? Ukon gindesinyo ini?

    Hiligaynon Publications (1980-2025)
    Mag-log Out
    Mag-log In
    • Hiligaynon
    • I-share
    • Mga preference
    • Copyright © 2025 Watch Tower Bible and Tract Society of Pennsylvania
    • Mga Kasugtanan sa Paggamit
    • Privacy Policy
    • Privacy Settings
    • JW.ORG
    • Mag-log In
    I-share