-
Paano Ka Makabenepisyo Pa Gid sa Pagbasa sang BibliaMagkabuhi sing Wala Katapusan!—Interactive nga Pagtuon sa Biblia
-
-
LEKSION 11
Paano Ka Makabenepisyo Pa Gid sa Pagbasa sang Biblia?
May ginaplano ka bala nga daku nga proyekto pero nabudlayan ka nga sugdan ini? Mahimo gintungatunga mo ang mga ulubrahon para mas mahapos sa imo. Amo man sini ang puede mo himuon kon gusto mo basahon ang Biblia. Pero basi mamangkot ka, ‘Paano ko ini sugdan?’ Sa sini nga leksion, tun-an naton ang pila ka simple nga paagi para manamian ka sa pagbasa kag pagtuon sa Biblia.
1. Ngaa dapat naton basahon ang Biblia kada adlaw?
Ang nagabasa sang Biblia ukon sang “kasuguan ni Jehova” kada adlaw mangin malipayon kag madinalag-on. (Basaha ang Salmo 1:1-3.) Sa umpisa, puede mo basahon ang Biblia bisan pila lang ka minutos kada adlaw. Samtang nagadamo ang imo natun-an sa Biblia, manamian ka pa gid sa pagbasa sini.
2. Paano ka makabenepisyo sa imo pagbasa sang Biblia?
Indi lang basta nga basahon mo ini, kundi magdulog ka anay kag “pamalandungan” ukon pamensaron sing maayo ang imo ginabasa. (Josue 1:8) Samtang nagabasa ka, hunahunaa ini nga mga pamangkot: ‘Ano ang ginasugid sini sa akon parte kay Jehova nga Dios? Paano ini makabulig sa akon? Kag paano ini makabulig sa iban?’
3. San-o mo puede basahon ang Biblia?
Pareho ka man bala sa iban nga daw wala na sing tiempo sa pagbasa sang Biblia? Hunahunaa kon paano mo ‘magamit sing maayo ang imo tion.’ (Efeso 5:16) Ang isa ka paagi amo ang pag-iskedyul sang oras kon san-o mo basahon ang Biblia kada adlaw. Ang iban nagabasa sang Biblia kon aga. Ang iban naman kon udto. Pero ang iban nagabasa sang Biblia kon gab-i, antes sila magtulog. Ano naman ang maayo nga iskedyul para sa imo?
USISAA PA GID
Tun-an naton kon paano ka pa gid manamian sa pagbasa sang Biblia kag hibaluon naton kon paano ka maghanda para makabenepisyo ka pa gid sa imo pagtuon sa Biblia.
Ang aton gana sa pagkaon amat-amat nga nagatubo, pareho man sa sini ang aton gana sa pagbasa sang Biblia
4. Manamian ka sa pagbasa sang Biblia
Mahimo mabudlay umpisahan ang pagbasa sa Biblia. Pero manamian ka sa pagbasa sang Biblia kon testingan mo ini, pareho sang pagtilaw mo sang bag-o nga pagkaon nga manamitan ka sa ulihi. Basaha ang 1 Pedro 2:2, dayon binagbinaga ini nga pamangkot:
Sa banta mo kon basahon mo ang Biblia kada adlaw, manamian ka pa gid sa pagbasa sini?
Tan-awa ang VIDEO kon ano ang ginhimo sang iban para manamian sila sa pagbasa sang Biblia. Dayon binagbinaga ang masunod nga mga pamangkot.
Sa video, ngaa nabudlayan ang mga pamatan-on nga basahon ang Biblia?
Ano ang nakabulig sa ila para mabasa nila ang Biblia kada adlaw?
Ano ang ginhimo nila para manamian pa gid sila sa pagbasa sang Biblia?
Mga tip kon paano mo sugdan:
Magpili sing insakto nga translation nga maintiendihan mo. Gamita ang Bag-ong Kalibutan nga Badbad kon may ara sini sa inyo lenguahe.
Unaha basa ang nanamian mo. Tan-awa ang tsart nga “Sugdi ang Pagbasa sa Biblia.”
Markahi ang mga nabasa mo na. Gamita ang tsart nga “Ang Nabasa Ko Na sa Biblia” sa sini nga libro.
Gamita ang JW Library® nga app. Sa imo smartphone ukon iban pa nga device, mabasa mo kag mapamatian ang Biblia bisan diin ka.
Gamita ang mga apendise sa Bag-ong Kalibutan nga Badbad. Ang mga mapa, tsart, kag glossary diri makabulig para manamian ka pa gid sa pagbasa.
5. Handai ang inyo pagtuon sa Biblia
Basaha ang Salmo 119:34, dayon binagbinaga ini nga pamangkot:
Ngaa importante nga mangamuyo ka antes magbasa sang Biblia ukon maghanda sa inyo pagtuon?
Ano ang himuon mo para makabenepisyo ka pa gid sa kada pagtuon ninyo? Kon nagahanda ka para sa isa ka leksion, puede mo himuon ang masunod:
Basaha ang una nga pahina sang leksion.
Pangitaa kag basaha ang mga bersikulo, kag hunahunaa kon paano ini naangot sa imo ginatun-an.
Markahi ang sabat sa mga pamangkot; makabulig ini kon ginatun-an na ninyo ang leksion.
Kabalo ka bala?
Ang mga Saksi ni Jehova nagagamit sang lainlain nga translation sang Biblia. Pero nanamian gid kami sang Bag-ong Kalibutan nga Badbad sang Balaan nga Kasulatan kay insakto ang translation sini, maathag, kag may ngalan sang Dios.—Basaha ang artikulo sa website nga “May Kaugalingon Bala nga Biblia ang mga Saksi ni Jehova?”
KON MAGSILING ANG IBAN: “Wala ’ko tiempo nga magtuon sa Biblia kay damo ’ko obra.”
Ano ang isabat mo?
SUMARYO
Para makabenepisyo ka pa gid sa ginatudlo sang Biblia, mag-iskedyul sang oras kon san-o mo ini basahon, mangamuyo para maintiendihan mo ini, kag handai ang leksion nga inyo tun-an.
Rebyu
Ano ang himuon mo para makabenepisyo ka pa gid sa pagbasa sang Biblia?
May napensaran ka na bala nga oras kon san-o mo basahon kag tun-an ang Biblia?
Ngaa maayo nga handaan mo ang leksion nga inyo tun-an?
DUGANG NGA IMPORMASYON
Basaha ang pila ka paagi para makabenepisyo ka pa gid sa imo pagbasa sang Biblia.
“Paano Ka Pa Gid Makabenepisyo sa Pagbasa sing Biblia?” (Ang Lalantawan Num. 1 2017)
Hibalua ang tatlo ka paagi kon paano basahon ang Biblia.
“Paano ang Biblia Makabulig sa Akon?—Bahin 1: Mangin Pamilyar sa Imo Biblia” (Artikulo sa website)
Hibalua kon paano ka manamian sa pagbasa sang Biblia.
Tan-awa kon ano ang mga tip sang madugay na nga nagabasa sang Biblia.
-
-
Padayon nga Mag-uswagMagkabuhi sing Wala Katapusan!—Interactive nga Pagtuon sa Biblia
-
-
4. Padayon nga makigkomunikar sa imo pinakamaayo nga Abyan
Ang pangamuyo kag pagtuon sa Biblia nakabulig sa imo nga mangin abyan ni Jehova. Paano ini makabulig sa imo nga mangin malapit pa gid sa iya?
Basaha ang Salmo 62:8, dayon binagbinaga ini nga pamangkot:
Para mapabakod mo ang imo pagpakig-abyan kay Jehova, paano mo mapauswag ang imo mga pangamuyo?
Basaha ang Salmo 1:2 kag footnote, dayon binagbinaga ini nga pamangkot:
Para mapabakod mo ang imo pagpakig-abyan kay Jehova, paano mo mapauswag ang imo pagbasa sa Biblia?
Ano ang himuon mo para makabenepisyo ka pa gid sa imo personal nga pagtuon? Tan-awa ang video para mabal-an mo ang pila ka paagi, dayon binagbinaga ang masunod nga mga pamangkot.
Sa video, ano nga mga suhestyon ang puede mo himuon?
Ano nga mga topiko ang gusto mo tun-an?
-