Libro sang Dios—Isa ka Bahandi

1. May yara sing libro nga nagahatag

Sing kalinong, paglaum, kasadya.

Dalayawon kag tuman ka gamhanan;

Kabuhi kag kapawa ang dala.

Ginatawag Balaan nga Biblia,

Nga ginsulat sang mga matutom.

Balaan nga espiritu naggiya,

Gani panuytoy ila nabaton.

2. Ginsugid nila pagpanuga sang Dios,

Kag ang pagluntad sang uniberso.

Ginsaysay man, ang tawo himpit sadto,

Kag pagkadula sang Paraiso.

Suno sa ila may isa ka anghel,

Soberanya sang Dios ginhangkat n’ya.

Bangod sini nag-antos ang katawhan,

Apang sa Dios lang ang kadalag-an.

3. Gani karon dapat nga magkasadya:

Anak ni Jehova ’gahari na.

Ginharian aton nga ibantala;

Kaayuhan sini isugid ta.

Ining tanan nga maayong balita,

Sa libro sang Dios aton masapwan.

Nagahatag sing tunay nga paglaum;

Dapat ini basahon sang tanan.