Itanyag ang Young People Ask nga Libro
1 Bisan pa nga Revelation nga libro ang ginatanyag sini nga bulan, ayhan luyag mo itanyag ang Young People Ask nga libro kon nagapakigsugilanon ka sa isa ka ginikanan ukon sa isa ka pamatan-on nga nabalaka sa mga problema nga ginaatubang sang mga pamatan-on.
2 Ayhan masapwan mo nga nagakaigo nga isiling ini:
◼ “Indi mahapos ang mangin pamatan-on sa karon. Ang mga pamatan-on nagaatubang sing madamong mga sitwasyon nga nagakinahanglan sing importante nga mga desisyon. ‘Dapat bala ako mag-inom sing alkohol? Magdroga? Ano ang nagakaigo nga paggawi sa tuhay nga sekso?’ Kon ginapamangkot sang mga pamatan-on ining mga butang, masunson sila makabaton sing nagasinumpakilay nga mga sabat. Sa diin sa banta mo nagapangayo sing laygay ang madamo ? [Pakumentuha sia.] Ini nga libro, nga Questions Young People Ask—Answers That Work, nagahatag sing mabuligon nga impormasyon. [Ipatuhoy ang igtalupangod sa kaundan.] Ang mga pamatan-on nagakinahanglan sing simple kag realistiko nga mga sabat. Ang mga sabat sa sining libro ginapasad sa Biblia.”
3 Yari ang isa pa ka presentasyon nga ayhan magamit mo:
◼ “Ang mga pamatan-on napaidalom sa madamong pag-ipit karon. Nagakinahanglan sila sing bulig agod malandas ini sing madinalag-on. Kon ginatinguhaan naton sila nga buligan, indi bala nga nagapangita kita sing butang nga makahatag sing praktikal nga panuytoy? [Pakumentuha sia.] Ang pila sang pinakamabug-at nga mga pag-ipit nagahalin sa ila mga katubotubo. Talupangda ang mga laragway sa pahina 76 kag 77 sini nga libro. [Ipatuhoy ang igtalupangod sa mga kapsion kag sa mga parapo nga may nagahilay nga mga letra sa pahina 77.] Ang masunod nga mga pahina sa sining kapitulo nagabalay sang bunayag, madinalag-on nga mga sabat.”
4 Amo gid ini ang “ital-ital nga mga tion nga mabudlay atubangon” ilabi na para sa mga pamatan-on. (2 Tim. 3:1) Ang libro nga Young People Ask mahimo gid nga makabulig sa pamatan-on agod maatubang sing madinalag-on ang mga problema karon. Ang 39 ka kapitulo gin-ilustrar sing maayo, kag ang mga artikulo realistiko kag praktikal. Gani kon may kahigayunan man, mangin alisto sa paggamit sining matahom nga publikasyon.