Mahimo Bala Naton Itanyag ang Creator nga Libro?

Sa distrito nga mga kombension sining karon lang nalipay kita tanan sa pagbaton sa libro nga Is There a Creator Who Cares About You? Isa ini ka libro nga gindesinyo ilabi na para sa mga mahimo wala nagatuo sa Dios walay sapayan nga edukado sila sa sekular nga mga butang. Ginapun-an sini nga libro ang pirme nagadugang nga kinahanglanon.

Tungod sa praktikal nga mga rason ang binulan nga tanyag nga literatura masunson nga nagagamit sing mga publikasyon nga mas makagalanyat. Nagakahulugan bala ini nga indi naton dapat itanyag ang Creator nga libro? Indi gid! Ini nga libro mahimo itanyag sa bisan ano nga tion sa bug-os nga tuig sa mga indibiduwal nga wala nagapati sa Dios kag mahimo nga makabenepisyo gikan sa sini. Mahimo man ini itanyag sa mga indibiduwal nga nagapati sa Dios apang wala gid sing ideya kon sin-o sia ukon kon ano ang iya mga kinaiya kag mga katuyuan. Gani ginapalig-on kamo nga magdala sing isa ka kopya sa inyo bag sa pagpanaksi kag mangin handa nga itanyag ini kay bisan sin-o nga sa banta ninyo interesado nga makabasa sini.