Ambahanon 197
Mag-amba kay Jehova!
1. Ining ambahanon sa Dios
May sibu nga paghantop.
Sa sugo n’ya iya Anak
Sa duta nagasakop.
Sa kadalagan ’gahugyaw.
Daku ang nahimo n’ya!
Sa iya nga kadayawan,
Kita karon ’gaamba.
Kay si Cristo sa trono na,
Patod ang paglaglag.
Ang paggahom n’ya nagsugod.
Aton ipalapnag.
2. Sa malisod nga panahon
Kita karon ’gapuyo;
Katulad sa tigtulugnaw,
Sing kapungawan puno.
Apang Milenyo malapit;
Kalautan madula.
Duta mangin Paraiso.
Nian tanan magaamba.
Gani kita nagahulat
Baguhon ang tanan.
Agod paglaum maagom,
Sia aton padunggan.
3. Ang buhat sang Dios gamhanan.
Nakugmat manga pungsod
Kon pa’no ang ’gapanaksi
Iya ginapabakod.
Kay Dios ang Hari sang duta,
Kita ginabulahan.
Gani tinagipusuon
Kita nagaambahan.
Mahal gid nga kauturan,
Ang Dios himayaon.
Sa langitnon n’ya nga trono,
Pagdayaw ambahon.