Ambahanon 163

Ang Bunga Sang Espiritu

(Galacia 5:22, 23)

1. Bunga sang espiritu sang Dios

Aton dapat palambuon,

Agod sia aton mapadunggan

Kag ang kabuhi maagom.

Gani pirme nga ipakita

Putli kag diosnon nga gugma.

Kay kalipay nagapaligon,

Kita pirme magkasadya.

2. Ang paghidait tigayunon,

Agod may paghiliugyon.

Kag ang pagbatas importante,

Agod magmapailubon.

Ang kalulo man may epekto!

Nagapalumok sa tawo.

Ang kaayo nagapahulag,

Agod nga mangin aktibo.

3. Ang pagtuo nagapabakod,

Kabuhi may katuyuan.

Kag maayo gid ang kalumok!

Nagahatag kaumpawan.

Pagpugong sa kaugalingon,

Sa aton nagapaligon.

Busa agod nga kahamutan,

Manga bunga palambuon.