Ambahanon 173
Gugma—Himpit nga Wagkus Sang Paghiusa
1. Gugma sang madamo karon
Labi nga ’gabugnaw.
Huptan ang una nga gugma
Agod makalikaw.
Kon Dios aton nga ilugon,
Tanan paambiton
Sing gugma katulad sang Dios,
Tinagipusuon.
2. Wala pagkasalimpapaw,
Hanuot nga gugma,
Kinahanglan palambuon
Kag nian ipakita.
Tinguhaon nga malabot
Ang tagipusuon.
Higugmaon mahal sang Dios,
Sila paligunon.
3. Kalibutan ’gakabungkag,
Gugma ’gahiusa.
Ini wagkus nga maligon,
Sa aton ’gaisa.
Mainit nga pagpalangga
Aton kinahanglan,
Agod mangin suod kita
Tubtob katapusan.
4. Ma’yong kaangtanan sa Dios
’Gabulig sa aton
Sa paghigugma sa iban,
Kay kinahanglanon.
Mangin tudok kag hanuot
Ang aton nga gugma.
Ini ang himpit nga wagkus
Nga nagahiusa.