Ang Biblia—Ang Epekto Sini sa Imo Kabuhi

Ang Biblia nakabulig para mangin mas maayo ang kabuhi sang minilyon ka tawo. Ano ang pila sa mga prinsipio sa Biblia, nga kon iaplikar, makabulig sa aton nga maatubang ang mga problema karon? Pat-od gid nga malipay ka sa paghibalo sang sabat sa sini nga pamangkot paagi sa pagbinagbinag sa ikaduha sa tatlo ka video nga masapwan sa DVD nga The Bible—A Book of Fact and Prophecy. Ini natig-uluhan The Bible—Its Power in Your Life. Pagkatapos mo matan-aw ini nga video, masabat mo bala ini nga mga pamangkot?

(1) Ngaa masiling naton nga ang Biblia indi lang isa ka maayo gid nga libro? (Heb. 4:12) (2) Kon makabulig ang Biblia para mangin maayo ang kabuhi sang mga tawo, ngaa madamo gid sing problema karon? (3) Ano ang tema sang bug-os nga Biblia? (4) Ano nga mga teksto ang ginsambit sa video nga makabulig sa mga mag-asawa para (a) mapauswag ang ila komunikasyon kag (b) makontrol ang ila kaakig? (5) Paano ang Cristianong pagtamod sa pag-asawahay nagabulig para mangin mas maayo ang kabuhi sang pamilya? (Efe. 5:28, 29) (6) Paano si Jehova nagpahamtang sing himpit nga halimbawa sa mga ginikanan? (Mar. 1:9-11) (7) Paano mahimo sang mga ginikanan nga makawiwili ang pangpamilya nga pagtuon? (8) Luwas sa pagtuon sa Biblia, ano pa ang ginapalig-on sang Pulong sang Dios nga iaman sang mga ginikanan sa ila mga kabataan? (9) Paano ang mga laygay sa Biblia makabulig sa mga pamilya sa pag-atubang sang kapigaduhon? (10) Kon iaplikar, ano nga mga Kasulatan parte sa katinlo, pag-abuso sa droga kag alkohol, kag kahuol ang makabulig para makontrol ang balatian? (11) Ano nga mga saad sa Biblia ang nagasakdag sa aton? (Job 33:25; Sal. 145:16) (12) Paano ang mga panudlo sa Pulong sang Dios nakabulig sa imo para mangin maayo ang imo kabuhi? (13) Paano mo magamit ini nga video sa pagbulig sa iban?