Ang Pagkamaayo ni Jehova

1. Ang pagkamaayo sang Dios

Nagahatag kalipay.

Sia Amay naton sa langit

Sa aton nagalugpay.

Tuman sia ka maluluy-on

Kag mapinatawaron.

Sia takus nga alagaron

Kag aton nga simbahon.

2. Kaangay sa iya dagway

Ginhimo niya kita.

Para aton mapalambo

Mga kinaiya n’ya.

Ang pagkamaayo sang Dios

Aton man ipakita

Kag aton nga matigayon

Pagpakamaayo n’ya.

3. Ang iya pagkamaayo

Ipakita sa tanan.

Ilabi na nga himuon

Sa aton kauturan.

Kon kita nagabantala

Sang maayong balita

Ang tanan dapat sugiran

Sang pagkamaayo n’ya.