Pagpauswag sang Aton Ikasarang sa Ministeryo—Pagbulig sa mga “May Husto nga Panimuot” nga Mangin Disipulo

KON NGAA IMPORTANTE: Ginapatubo ni Jehova ang binhi sang kamatuoran sa tagipusuon sang mga tawo nga “may husto nga panimuot sa pagtigayon sing kabuhi nga wala sing katapusan.” (Bin 13:48; 1Co 3:7) Nagapangabudlay kita upod kay Jehova paagi sa pagpokus sang aton panikasog sa mga nagaaplikar sang ila natun-an. (1Co 9:26) Dapat maintiendihan sang mga estudyante sa Biblia nga kinahanglan sila magpabawtismo para maluwas. (1Pe 3:21) Ginabuligan naton sila nga mangin disipulo paagi sa pagtudlo sa ila nga maghimo sing mga pagbag-o, magbantala kag magpanudlo, kag magdedikar sang ila kabuhi kay Jehova.—Mat 28:19, 20.

KON PAANO INI HIMUON:

• Pahanumduma ang mga estudyante sa Biblia nga nagatuon sila para ‘makilala’ nila si Jehova kag mapahamut-an sia. —Ju 17:3

• Buligi sila nga mag-uswag sa espirituwal paagi sa pag-atubang sa mga kabudlayan, pareho sang pag-untat sa mga bisyo, malain nga batasan, kag indi maayo nga kaupdanan

• Pabakura kag palig-una sila antes kag pagkatapos sang ila bawtismo.—Bin 14:22

TAN-AWA ANG VIDEO NGA BULIGAN KA NI JEHOVA, DAYON SABTI ANG MASUNOD NGA MGA PAMANGKOT:

• Ano ang posible nga mga rason nga nahadlok ang isa sa pagdedikar kag pagpabawtismo?

• Paano mabuligan sang mga gulang ang mga estudyante sa Biblia nga mag-uswag sa espirituwal?

• Ano ang ginatudlo sa aton sang Isaias 41:10 parte kay Jehova?

• Ano nga mga kinaiya ang makabulig sa aton nga batunon ni Jehova ang aton pag-alagad bisan pa indi kita himpit?