TULUN-AN 1

Epektibo nga Introduksion

Binuhatan 17:22

KON ANO ANG HIMUON: Dapat makapukaw sing interes ang imo introduksion, mapahibalo sini ang imo topiko, kag mapakita sini kon ngaa dapat mangin interesado ang imo mga tagpalamati sa topiko.

KON PAANO INI HIMUON:

Pukawa ang interes. Magpili sing pamangkot, eksperiensia, mga balita, ukon sing bisan ano nga makapainteres sa imo mga tagpalamati.

Hunahunaa sing maayo ang mga makapainteres kag ginakabalak-an sang imo mga tagpalamati kag ipasibu ang imo introduksion.
Ipahibalo ang imo topiko. Pat-ura nga maathag sa imo introduksion ang topiko kag katuyuan sang imo presentasyon.
Ipakita kon ngaa importante ang topiko. Ipasibu ang imo isiling sa kinahanglanon sang imo mga tagpalamati. Dapat mahangpan gid nila kon paano ang topiko makabulig sa ila.

Kon nagahanda sing pamulongpulong, pamangkuta ang imo kaugalingon, ‘Ano ang kahimtangan sang kauturan sa akon kongregasyon?’ Dayon ipasibu ang imo introduksion sa ila kinahanglanon.