ZAJ KAWM 02
Txoj Kev Cia Siab Hauv Phau Vajlugkub
Tib neeg thoob qab ntuj yeej raug teeb meem ntau yam ua rau lawv muaj kev nyuaj siab ntxhov plawv. Koj puas tau ntsib tej yam zoo li no thiab? Tej zaum koj nyuaj siab vim koj muaj mob muaj nkeeg los sis ib tug uas koj hlub tau tag sim neej lawm. Ntshe tej no yuav ua rau koj xav tias, ‘Lub neej puas yog tag li no lawm xwb?’ Phau Vajlugkub yuav qhia koj txog qhov no.
1. Phau Vajlugkub pab peb muaj kev cia siab li cas?
Phau Vajlugkub qhia tias yog vim li cas lub qab ntuj no muaj teeb meem ntau ua luaj, thiab kuj qhia tias yav tom ntej Vajtswv yuav tshem tag nrho tej teeb meem no mus. Tej lus cog tseg hauv phau Vajlugkub pab kom peb “muaj kev cia siab rau yav tom ntej.” (Nyeem Yelemis 29:11, 12.) Txoj kev cia siab no yuav pab peb nyiaj dhau tej teeb meem uas peb niaj hnub raug thiab yuav pab peb muaj taus kev zoo siab mus ib txhis.
2. Phau Vajlugkub qhia li cas txog lub neej yav tom ntej?
Phau Vajlugkub hais tias yav tom ntej “kev tuag, kev ntxhov siab, kev quaj ntsuag thiab kev mob kev nkeeg yuav tsis muaj ib zaug li lawm.” (Nyeem Tshwmsim 21:4.) Tej yam uas ua rau tib neeg tag kev cia siab niaj hnub no xws li kev txom nyem, kev mob kev nkeeg, kev ploj kev tuag thiab kev tsis ncaj ncees yeej yuav ploj mus. Phau Vajlugkub cog lus tias tib neeg yuav nyob mus ib txhis hauv lub Vaj Kaj Siab hauv ntiaj teb no.
3. Ua li cas koj thiaj tso siab tau rau txoj kev cia siab hauv phau Vajlugkub?
Coob leej ntau tus cia siab tias lawv yuav tau lub neej zoo tiam sis lawv yeej tsis paub tias puas yuav muaj raws li lawv xav. Hos phau Vajlugkub tau hais li cas yeej yuav muaj li ntawd. Yog peb ua tib zoo kawm thiab “niaj hnub tshawb nrhiav Vajtswv Txojlus” ces peb yuav tso siab tau rau tej lus cog tseg ntawd. (Tes Haujlwm 17:11) Thaum koj kawm Vajlugkub koj mam txiav txim seb koj yuav ntseeg tej kev cia siab rau yav tom ntej los sis tsis ntseeg.
KAWM NTXIV
Mus nyeem phau Vajlugkub tej lus cog tseg rau yav tom ntej seb yuav muaj li cas, thiab seb tej lus cog tseg ntawd pab tau tib neeg li cas niaj hnub nim no.
4. Phau Vajlugkub cog lus tias peb yuav nyob mus ib txhis thiab yuav tsis muaj kev txom nyem ntxiv lawm
Mus nyeem phau Vajlugkub tej lus cog tseg hauv qab no. Koj nyiam nqe twg thiab yog vim li cas?
Nyeem cov nqe Vajlugkub uas nyob ib sab ntawm lo lus cog tseg thiab tham txog ob lo lus no:
Cov nqe Vajlugkub no pab tau koj muaj kev cia siab li cas? Cov nqe Vajlugkub no pab puas tau koj tsev neeg thiab koj cov phooj ywg muaj kev cia siab thiab?
Xav txog thaum koj nyob hauv lub ntiaj teb tshiab uas
TSIS MUAJ IB TUG YUAV . . . |
TXHUA TUS YUAV . . . |
|---|---|
|
|
|
|
|
|
|
|
|
|
5. Tej kev cia siab hauv phau Vajlugkub yeej pab tau peb
Thaum tib neeg pom tej teeb meem puag ncig lawv, yeej ua rau lawv qaug zog zis thiab chim siab heev. Ib txhia thiaj sawv los tawm tsam seb kho puas tau tej teeb meem ntawd. Mus saib seb tej lus cog tseg hauv phau Vajlugkub pab tau tib neeg li cas niaj hnub nim no. Saib zaj YEEB YAJ KIAB thiab tham txog ob lo lus no.
Lafikas nyuaj siab txog txoj kev tsis ncaj ncees twg?
Txawm tias nws kho tsis tau txoj kev tsis ncaj ncees ntawd los phau Vajlugkub pab tau nws li cas?
Phau Vajlugkub txoj kev cia siab rau yav tom ntej yuav pab kom peb txhob qaug zog thiab pab kom peb nyiaj dhau tej teeb meem tam sim no. Nyeem Pajlug 17:22 thiab Loos 12:12 ces tham txog ob lo lus no:
Koj puas xav tias tej lus cog tseg hauv phau Vajlugkub yuav pab tau koj lub neej tam sim no, thiab yog vim li cas?
IB TXHIA HAIS TIAS: “Phau Vajlugkub tej lus cog tseg rau yav tom ntej tsis txaus ntseeg kiag li.”
Vim li cas ho tsim nyog rau koj tshawb nrhiav kom paub qhov tseeb?
KOJ KAWM TAU DAB TSI
Phau Vajlugkub tej lus cog tseg rau yav tom ntej pab tau peb muaj kev cia siab thiab pab peb nyiaj dhau peb tej kev nyuaj siab tam sim no.
Rov Tham Dua
Vim li cas tib neeg yuav tsum paub txog Vajtswv tej lus cog tseg?
Phau Vajlugkub qhia li cas txog yav tom hauv ntej?
Txoj kev cia siab rau yav tom ntej yuav pab tau koj li cas tam sim no?
TSHAWB NTXIV
Kawm seb kev cia siab pab tau peb li cas.
“Yuav Ua Li Cas Peb Thiaj Muaj Kev Cia Siab?” (Tsim Dheev! lub 4 Hlis tim 22 xyoo 2004)
Kawm seb txoj kev cia siab rau yav tom ntej pab tau cov uas muaj mob muaj nkeeg li cas.
“Phau Vajlugkub Pab Puas Tau Cov Muaj Mob Muaj Nkeeg?” (Nyeem hauv jw.org/hmn)
Thaum koj saib thiab mloog zaj nkauj no xav txog lub caij koj thiab koj tsev neeg ua lub neej kaj siab lug hauv lub Vaj Kaj Siab uas Vajtswv cog tseg.
Nyeem txog ib tug txiv neej uas tau hloov nws lub neej tom qab nws kawm txog txoj kev cia siab hauv phau Vajlugkub.
“Kuv Kho Tsis Tau Txhua Yam Teeb Meem” (Phau Tsom Faj lub 7 Hli tim 1 xyoo 2013)