YUAV UA LI CAS THIAJ TSIS NYUAJ SIAB
Puas Yog Koj Nyuaj Siab?
“Txawm tias nyias muaj nyias ib txojkev nyuaj siab los, kuv thev tsis taus kuv tej kev nyuaj siab li lawm. Tsuas pom raug ib qho teeb meem tas raug ib qho teeb meem tuaj xwb. Kuv tus txiv twb muaj mob hnyav heev tau ntau lub xyoos lawm. Kuv niaj hnub tu nws mas sab kawg nkaus li.”—See.a
“Kuv tus pojniam tso peb cov txiv tub tseg lawm. Tshuav kuv tib leeg xwb mas nyuaj tu kuv ob tug menyuam kawg li. Tsis tas li ntawd, kuv kuj poob haujlwm lawm thiab, kuv thiaj tsis muaj nyiaj kho tsheb. Kuv tws kev tas tsis pom qab yuav ua li cas. Nyuaj siab tag npaum li no, kuv xav tias tsis tsim nyog ua neej nyob lawm, ntshe tuag yuav zoo dua. Kuv thiaj thov kom Vajtswv muab kuv txojsia txo.”—Ntsuab Npis.
Zoo yam li See thiab Ntsuab Npis nkawd, koj puas muaj kev nyuaj siab uas ua rau koj xav tias koj thev tsis taus li lawm? Tsis txhob tag kev cia siab, yeej muaj tej yam uas yuav pab tau koj. Nyeem ntxiv mus koj thiaj paub vim li cas peb muaj kev nyuaj siab, kev nyuaj siab ua rau peb muaj mob li cas, thiab yuav ua li cas peb thiaj rov kaj siab dua.
a Tau muab cov npe hauv zaj no hloov lawm.