‘Natudia Idia Ura Henia Bada’

Ruma bese milion momo ese Lau Egu Bible Sivarai Buka idia moalelaia vadaeni. Ena Bible sivaraidia 116 ese idia duahia taudia ia durudia Bible ena hereva idia dibaia totona. Vanegai, Western Australia ai ia noho tauna ta ese unai buka ena namo be inai bamona ia gwauraia, ia gwau:

“Lau be tisa ta bona lau ura lau naridia natudia do lau hadibadia, edia sikuli gaukarana do idia karaia Dirava bona Iesu totona, lau karaia bamona. Kalasi vairanai ‘Lau Egu Bible Sivarai Buka’ lau duahia hedinarai loulou, unai buka be emui Witness tauna ta amo lau abia. Sikuli natudia ese unai buka bona ena sivarai idauidau idia moalelaidia bada, bona buka lau atoa diho neganai, lau idia noia ma do lau duahia hedinarai lou.”

Lau Egu Bible Sivarai Buka do idia moalelaia natudia haida oi diba a? Bema henuna gauna oi hahonua bona oi siaia ai dekenai, unai buka oi abia diba. Ena rau be 256, bona rau ta ena bada be inai magasin ena rau ta ena bada hegeregerena. Ena laulau idauidau be 125 bona idia momo be mai edia kala namodia.

Buka ta ladana Lau Egu Bible Sivarai Buka, mai ena kopina aukana gauna, mani umui siaia lau dekenai. Lau ese K2.00 lau siaia inai.