Ia Guriguri Dainai

TESALONIKATesalonika Ginigunana 5:​17, 18 dekenai, aposetolo Paulo ia gwau: “Nega ibounai do umui guriguri. Emui mauri lalonai ia vara gaudia ibounai dainai Dirava do umui tanikiu henia. Badina inai be Dirava ena ura umui totona, Keriso Iesu danu umui hakapua dainai.” To, bema aniani hoia rumana dekenai oi helai oi aniani totona, oi hemarai taunimanima vairanai do oi guriguri totona, a? Ita diba Iesu ia gwau mai hekokoroku danu taunimanima vairanai do ita guriguri lasi, unai dainai, ita guriguri neganai, reana ita ura lasi taunimanima idia itaia. (Mataio 6:​5, 6) To, mai hemataurai kara amo ita guriguri neganai, reana haida ese unai kara idia moalelaia.

Iehova ena Witness taudia edia hedikwota Brooklyn Betele rumana dekenai ia gaukara merona ta ena ekspiriens be inai: Daba kahana dekenai ia be aniani hoia rumana dekenai ia vareai ia aniani totona, bena murinai, ia lao gwauraia ena kongregesen grup dekenai, Basileia ena haroro gaukara do idia karaia totona. Ena aniani idia mailaia neganai, vaia ena kara hegeregerena, ia guriguri. Ena matana ia kehoa neganai, ia itaia unai gabu dekenai ia gaukara kekeni ta ese ia raraia.

Ia gwau: “Oi guriguri, ani?” Unai mero ia gwau oibe neganai, unai kekeni ia gwau: “Reana oi be Iehova ena Witness merona ta. Lauegu tamana bona sinana be Witness taudia danu. Lau be edia tomadiho dekenai lau vareai lasi, to lau diba lau tahua be namo. Lau ura Gima Kohorona bona Noga! magasin edia sabskripsen lau abia. Oi dekena amo lau abia diba, a?”

Unai mero ia hoa dainai, ia gwau: “Kahirakahira aniani be egu aiona ia koua.” Vadaeni, ia dekenai sabskripsen rua bona magasin matamata rua ia henia, bona dala ia hegaegaelaia do ia lou henia totona​—unai ia vara badina ia guriguri dainai.