Diabolo Ia Vara Dalana

South Dakota dekenai hahine matamatana ta ena gaukara be, basi ai idia gui-kau sikuli natudia ia naridia. Ena gaukara be inai bamona ia gwauraia: “Lauegu gaukara be maragidia lau naridia do idia regerege momo lasi bona idia lau naria edia seat belt idia kwatua.” Ena sivarai ta be inai:

“Mero ta ese lau ia hahekwarahia bada. Momokani, ena mauri laganidia be 6 sibona, to nega haida hereva mirodia dikadia ia gwauraia. Ena hereva koua totona, nega haida ena helai gauna dekenai lau doria lao bona egu imana amo ena uduna lau koua. Ena aena ia negedia, lauegu kopina ia kakasia bona ia kinia, ia hereva dika bona ia boiboi badabada. Ia dika rohoroho neganai, lau be ia latanai lau helai, ena helai gauna dekenai do ia helai noho totona.

“Friday dekenai ia be dika rohoroho. Ia lau koua toho dainai egu tauanina ibounai ia hisihisi. Unai neganai lau ia nanadaia, ia gwau: ‘Dahaka dainai Dirava ese Diabolo ia havaraia?’ Buka ta ladana Lau Egu Bible Sivarai Buka be basi dekenai ia noho. Lau hamaoroa unai buka do ia durua do ia diba Diabolo be edena bamona ia vara. Reana inai hereva do oi hoalaia: Ai be unai buka ena sivarai 41 ai duahia hebou vadaeni! Unai mero ena kara dainai lau hekwarahi bada bona lau laloa durua dalana ta be lasi, to hari, ena lalohadai ia haidaua vadaeni. Sikuli gabuna dekenai ai ginidae neganai ia ura lasi basi amo do ia diho, ia ura ma sivarai haida do ai duahia hebou!”

Unai buka stadilaia karana ese memero kekeni momo ia durudia bada. Bema inai rau ena henu kahana oi hahonua bona oi siaia ai dekenai, unai buka do oi abia diba. Ena rau be 256, ena toretore be bada, bona laulau momo be ia lalonai idia noho.

Buka ta ladana Lau Egu Bible Sivarai Buka, mai ena kopina aukana gauna, mani umui siaia lau dekenai.

This is a repeat of article in w90 3/1 taken from w89-E 2/1 “Diabolo Ia Vara Dalana” p. 32. Also repeated in w90 6/1, w89 8/1.