Oi Ai Boiria Mai

Lagani 1,900 bona ma haida gunanai, tau ta ladana Iesu Keriso ia mase, bona idau negai ia mai hari idia vara karadia amo unai be mai anina bada karana. Iena mase ese dala ia kehoa ita taunimanima ibounai be mauri hanaihanai Paradaiso dekenai ita abia diba totona. Hebou ta dekenai, Iesu ese uaina bona hatubua muramurana lasi paraoa ia gaukaralaia mai lalokau danu ia sibona ena mauri do ia bouboulaia karana ia laulaulaia totona. Bena iena hahediba taudia dekenai ia gwau: “Inai bamona do umui karaia, lau dekenai do umui laloa totona.” (Luka 22:19) Do oi laloa, a?

Iehova ena Witness taudia be mai edia moale danu oi idia boiria mai idia danu unai Memorial hebouna dekenai do oi vareai totona. Bible ena kalenda hegeregerena, lagani 1992 ai, Nisan 14 be Friday, April 17, dina ia diho murinai, do ia matamaia. Oiemu ruma kahirakahira dekenai ia noho Kingdom Hall oi lao henia diba unai hebou abia totona. Mani emu kara oi kahirakahira dekenai idia noho Iehova ena Witness taudia oi noia, unai hebou ena gabu bona nega be oi dekenai do idia hadibaia totona.