Mai Anina Bada Hebouna—Do Oi Lao, A?

DO idia laloaboio lasi dinana ai lagani 3,500 mai kahana gunanai, Iehova Dirava ese Aigupito ai igui hesiai gaukara idia karaia Israela taudia edia ruma bese ta ta ia haganidia mamoe ta eiava nani ta do idia alaia bona ena rara be edia iduara kahana kahanai bona ataiai do idia atoa. Unai hanuaboi ai, Dirava ena aneru ese unai bamona idia makaia rumadia ia hanaia (passed over) to vara guna merodia ibounai Aigupito taudia edia ruma ai ia hamasea. Bena Israela taudia idia ruhaia. Unai dina idia laloatao totona, Iuda taudia ese Pasova ariana idia karaia.

Iesu Keriso be ena hahediba taudia ida ena Pasova ariana ginigabena ia karaia murinai, maoromaoro ena mauri bouboulaia karana laloatao totona aria ta ia karaia. Ena hahediba taudia dekenai hatubua lasi paraoa ia henia bona ia gwau: “Umui abia, umui ania, lauegu tauanina be inai.” Bena idia dekenai uaina kapusina ta ia henia bona ia gwau: “Umui ibounai umui inua. Inai be lauegu rarana, maino karaia ena rara, taunimanima momo totona do ia bubua, dika gwauatao totona.” Bona Iesu be ma ia gwau: “Inai bamona do umui karaia, lau dekenai do umui laloa totona.” (Mataio 26:​26-​28; Luka 22:​19, 20) Unai dainai Iesu ese ena murinai idia raka taudia ia hagania ena mase laloatao totona unai do idia karaia.

Inai lagani ai, Iesu ena mase laloatao dinana be Wednesday, April 19, dina ia diho murinai. Iehova ena Witnes taudia tanobada hegegemadai be do idia hebou Iesu ia karaia bamona unai mai anina bada hanuaboina laloatao totona. Mai moale ida oi ai boiria ai oi bamoa unai gauna itaia totona. Mani emu kara emu gabu ai idia noho Iehova ena Witnes taudia oi noia nega korikori bona hebou gabuna oi idia hadibaia totona.