Hadibaia Taudia Karaia Totona Ita Idia Durua Heboudia

APRIL 1 AI IA MATAMAIA PURANA

Ane 25 (71)

(10 min) Kongregesen ena hadibaia herevadia.

(20 min) Emui Varavara Taudia Hagoadaia Hereva Momokani ena Ranu Amo. Inai hereva be September 1990 ena Gima Kohorona rau 28-31 amo oi hegaegaelaia. Varavara bona turadia haroro henidia dalana do oi kikilaia namonamo bona helai taudia dekenai henanadai haida oi henia.

(15 min) Iseda Orea Ena Sivarai. Bema mai dalana, blakbod dekenai mapu ta oi torea, badina unai neganai helai taudia idia itaia diba tanobada ibounai dekenai tadikaka ese haroro gaukara idia karaia. (Bema oi diba lasi unai tano be edeseniai ia noho, namona be Yearbook oi kehoa rau 34 dekenai, Service Year Report lalonai tano ta ta badinai namba idia torea, vadaeni buka vairanai eiava dokonai mapu oi itaia unai namba oi davaria totona, bena oi diba unai tano be edeseniai ia noho.)

BARBADOS: September lalonai unai tano dekenai nega ginigunana edia pablisa idia daekau 1,800 dekenai.

COTE D’IVOIRE (IVORY COAST): September lalonai hesiai lagani matamatana ia kehoa neganai, unai tano edia pablisa iboudiai be 3,465, bona ia ore hua 12 ta ta iboudiai lalodiai unai namba ia bada ia lao noho. Liberia dekenai tuari ia vara dainai, tadikaka bona taihu momo be edia tano idia rakatania bona Cote D’Ivoire tadikaka ese idia durudia.

JAPAN: September hua lalonai pablisa taudia edia namba ia daekau 148,452 dekenai. September lalonai, pioneer matamata taudia 3,582 be idia gaukara hamatamaia. September lalonai, sekit 111 dekenai, Pioneer Gaukara School 165 idia karaia bona regular pioneer taudia 3,920 ese unai sikuli kosi idia moalelaia.

KENYA: September lalonai unai tano dekenai nega ginigunana edia pablisa taudia edia namba ia daekau 5,610 dekenai. Dina tamona hebouheboudia dekenai idia lao taudia iboudiai be 11,027 bona 172 ese bapatiso idia abia.

MAURITIUS: September lalonai unai tano dekenai pablisa taudia edia namba ia daekau 907 dekenai.

NIGERIA: September lalonai edia pablisa taudia edia namba ia daekau 146,703 dekenai. Unai be August ena hua amo 4,600 idia bada daekau.

ST. VINCENT: September lalonai edia pablisa taudia edia namba ia daekau 208 dekenai. Unai be 14 percent amo idia bada daekau. Kongregesen pablisa ta ta iboudiai edia haroro hora ena averes be 14.2.

Ane 4 (211) bona guriguri.

APRIL 8 AI IA MATAMAIA PURANA

Ane 111 (206)

(10 min) Kongregesen ena hadibaia herevadia.

(20 min) “Oi Aonega​—Oi Diba Gaudia Oi Gaukaralaia.” Elda ta ese inai hereva do ia karaia. Duahiduahi idia diba momo tadikaka oi abia hidi guna paragraf ta ta idia duahia totona, bena idia duahia murinai henanadai do oi gwauraia. Haheitalai be pablisa taudia ia durua, badina reana idia haida idia moale lasi, bona idia hesiku. Haheitalai do oi hegaegaelaia namonamo, bena unai amo tauanina ena kara sisina idia tohoa taudia bona lauma huahua ena kara idia hahedinaraia momo lasi taudia oi durudia diba.

(15 min) Kiki Herevana. Henunai ia noho kiki herevana oi gwauraia sisina bona hari inai nega lalonai ena namo be dahaka oi hahedinaraia. Taunimanima momo idia gwau idia be mai edia Bible. To ena hereva idia lalo-pararalaia, a? Ena hereva idia badinaia, a? Mai moale danu ita ura ita durudia Bible ena hereva idia diba bona idia lalo-pararalaia totona. Bible ena hahegani badinaia karana ese mauri hanaihanai ia havaraia.

Dahaka Dainai Bible Ita Stadilaia?

2 Timoteo 3:​16, 17​— Dirava ena Hereva ese Ita Ia Durua.

Ioane 17:3​—Mauri Hanaihanai Dekenai Ita Ia Hakaua.

Namona be pablisa idaudia rua ese inai haheitalai rua idia karaia. Inai kiki herevana be ia auka lasi. To, namona be oi hegaegae namonamo bena helai taudia be haheitalai amo heduru hereva idia abia haroro gaukara dekenai idia gaukaralaia totona.

HAHEITALAI 1: (Pablisa bona ena natuna mero eiava kekeni be ruma ta ruma ta gaukara idia karaia. Ruma tauna be mai ena natuna danu.)

Pablisa: Daba namona! Uma oi hagoevaia, ani? Varani, lauegu uma lau hagoevaia danu, to hari dina, lau bona egu natuna be taunimanima ai vadivadi henidia. Lauegu ladana be ​— bona egu natuna ena ladana be ​—. Lau be Iehova ena Witness tauna bona lau noho ​— dekenai.

Ruma Tauna: Lauegu ladana be ​— bona egu natuna ena ladana be​—.

Pablisa: Pura gunanai raskol taudia be lauegu gabu dekenai hekwakwanai momo idia havaraia.

Ruma Tauna: Iniseniai danu hekwakwanai idia vara.

Pablisa: Ruma ta ruma ta dekenai lau gaukara neganai, lau ura egu natuna lau hakaua mai. Unai neganai lau diba dahaka ia karaia, bona lau hadibaia diba Bible dekenai ia abidadama bona ena hahediba herevadia ia abia dae totona. Lau laloa unai be gau badana badina ita be nega dikana lalonai ita noho dainai.

Ruma Tauna: Nega momo Iehova ena Witness taudia idia mai neganai lau kamonai henidia lasi, to mai moale danu oi hereva dainai, lau laloa oiemu hereva do lau kamonai be namo. Mani emu kara umui mai ena badina oi gwauraia.

Elda Tauna: Hebogahisi hereva dekenai taunimanima ita hereva henidia neganai, nega momo iseda haroro herevana idia ura kamonai henia.

HAHEITALAI 2: Pablisa ma ta be ruma ta ruma ta gaukara ia karaia. Iena natuna danu ia hakaua.

Pablisa: (Natuna ia hadibaia iduara dekenai ia pidipidi totona.)

Ruma Tauna: Bema oi be Iehova ena Witness tauna, lau ura oi lau hadibaia lau be Katolik tauna bona lau ura lasi egu tomadiho lau haidaua!

Pablisa: Lau diba ita ta ta eda tomadiho idia idau, to ita ruaosi dekenai gau tamona ia idau lasi.

Ruma Tauna: Unai be dahaka?

Pablisa: Magu goadana ese iseda ruma idia gegea. Hari inai nega lalonai gau momo ita karaia raskol karana ita koua totona, ani?

Ruma Tauna: Oibe. Raskol haida be lagani bada lasi taudia. Bema edia sinana bona tamana idia lalokau henidia momokani idia durudia edia ruma dekenai idia noho totona.

Pablisa: Oiemu hereva be momokani. Tamana bona sinana momo be edia natudia idia lalokau henidia momokani lasi. Lau diba iseda tomadiho orea idia idau, to oi be Katolik tauna dainai, lau diba oi be lau hegeregerena Bible ena hereva oi abia dae. Oiemu Bible ese hari inai negai idia vara gaudia ia kikilaia. Bema oi be mai emu nega, namona be oiemu Bible oi abia unai siri ita itaia totona, ani?

Ruma Tauna: Lau be mai egu nega sisina. Mani oi naria egu Bible do lau abia. (Mai ena Bible danu ia giroa)

Pablisa: Namona be 2 Timoteo 3:3 oi itaia, ia hahedinaraia nega do ia mai bena taunimanima be “lalokau do idia diba lasi.” To, natudia edia kara be edena bamona? Namona be siri 2 oi itaia. Ia gwau natudia be “edia tamana bona sinana do idia kamonai henia lasi.”

Ruma Tauna: Unai hereva ia momokani.

Pablisa: Namona be siri 1 ita itaia. Inai siri dekenai ia gwau “nega dokonai” unai kara do idia vara. Vadaeni, oiemu Bible ena hereva dainai, oi laloa ita be “nega dokonai” ita noho, a?

Ruma Tauna: Reana, oibe.

Pablisa: Namo lasi oiemu nega bada lau henaoa, tanikiu bada lauegu hereva oi kamonai dainai. Bema oi ura ma nega ta do lau giroa mai, ita be Bible dekena amo ‘nega dokona’ ena sivarai ma haida ita kikilaia diba.

Elda: Hari ita itaia, bema hebogahisi hereva dekenai taunimanima ita hereva henia neganai, dala ia kehoa ita haroro henidia namonamo totona.

Ane 112 (207) bona guriguri.

APRIL 15 AI IA MATAMAIA PURANA

Ane 82 (152)

(10 min) Kongregesen ena hadibaia herevadia.

(20 min) “Iehova ese ena Taunimanima Ia Hanamodia Noho.” Bible siri ibounai duahia bona idia duahiduahi namonamo diba taudia ta ta be hebou vairanai oi abia hidi paragraf ta ta do idia duahia totona, bena idia duahia murinai henanadai be helai taudia oi henidia.

(15 min) “ ‘Lauma ena Gau Ia Hadoa Neganai’ Mauri Hanaihanai Ia Abia.” (Pura gunanai idia karaia haheitalai ena hereva ma haida. Namona be pura gunanai haheitalai idia karaia tadikaka ruaosi be hari haheitalai idia karaia danu.) Nega momo taunimanima be lauma dalanai idia manoka ena badina be Witness lasi varavara taudia eiava ma taunimanima haida idia bamodia momo dainai. Unai bamona idia karaia tadikaka edia moale Iehova ena orea dekenai ia hamaragia diba, bona idia bamoa tadikaka bona taihu ia hakereredia diba danu. Unai dainai, gau badana be unai bamona taudia be sisiba idia abia Dirava ena aonega ese do ia hakaudia totona, bona “Lauma ena gau [idia] hadoa” totona. Hari, elda tauna be tadikaka ia durua toho dalana do ita itaia:

Ane 4 (6) bona guriguri.

APRIL 22 AI IA MATAMAIA PURANA

Ane 91 (98)

(10 min) Kongregesen ena hadibaia herevadia. Akaun ripotina.

(20 min) “Iehova Ia Henia Gaudia amo Edena Bamona Namo Lau Davaria Diba?” Tadikaka ta ese unai henanadai be helai taudia dekenai ia kikilaia. Bema nega ia hegeregere, Bible siri ibounai ia duahia helai taudia ese edia anina idia diba totona.

(15 min) Henanadai. Tadikaka ta ese henunai ia noho henanadai do ia kikilaia.

(10 min) Heduru Pioneer Taudia edia Ekspiriens. Tadikaka ta ese April lalonai heduru pioneer gaukara idia karaia taudia edia ekspiriens ia kikilaia tadikaka ia hagoadaia totona.

Ane 110 (212) bona guriguri.