Hadibaia Taudia Karaia Totona Ita Idia Durua Heboudia
JUNE 3 AI IA MATAMAIA PURANA
Ane 67 (159)
(10 min) Kongregesen ena hadibaia herevadia.
(20 min) “Bible Stadi Taudia Durudia, Hebou Dekenai Idia Haere Totona.” Hebou vairanai, idia duahiduahi diba namonamo taudia oi abidia hidi paragraf ta ta idia duahia totona, bena idia duahia murinai helai taudia be henanadai oi henidia. Paragraf 3 oi karaia neganai, haheitalai maragina oi karaia danu: Bible stadi murinai stadi tauna oi durua hebou dekenai ia haere totona.
(15 min) Kiki Herevana. Inai Kiki Herevana ena namo oi hahedinaraia. Papua New Guinea dekenai taunimanima momo herea be Bible ena hereva idia laloa bada. Unai dainai, edia lalona ita veria haraga diba idia ura henia herevana ita kikilaia totona. Idia ita hadibaia diba ena be taunimanima be haida edia mauri idia laloa bada lasi bona taunimanima hamasea bona tuari karadia idia momo, to bema Bible idia stadilaia mauri hanaihanai dalana do idia diba. Namona be inai hereva bona haheitalai rua oi hegaegaelaidia namonamo.
Dahaka Dainai Bible Ita Stadilaia?
2 Timoteo 3:16, 17—Dirava ena Hereva ese ita ia durua.
Ioane 17:3—Mauri hanaihanai dekenai ita ia hakaua.
HAHEITALAI 1: Pablisa goadana ta bona pablisa matamatana ta be Kiki Herevana idia herevalaia bona pablisa matamata ia hadibaia dahaka ia karaia Mataio 24:14 ena hereva ia badinaia totona.
HAHEITALAI 2: Unai pablisa rua be ruma tauna ta idia hereva henia.
Pablisa Goadana: Daba namona! Lauegu ladana be — , bona egu turana ena ladana be — . Ai moale oi ai davaria dainai. Oi ura oiemu ladana ai oi hadibaia?
Ruma Tauna: Oibe, lauegu ladana be — .
Pablisa Goadana: Namo herea — , hari dabai oi namo, a?
Ruma Tauna: Lau namo sisina sibona.
Pablisa Matamatana: Madi, oiemu hekwakwanai be dahaka?
Ruma Tauna: Egu mauri lalonai gau momo idia kerere, lau diba lasi dahaka do lau karaia!
Pablisa Matamatana: Oiemu hemami lau diba, guna lau danu be oi hegeregere. To Bible lau stadilaia hamatamaia bona unai ese lau ia durua bada.
Ruma Tauna: Lau be mai egu Bible. To Bible ese edena bamona lau ia durua diba egu hekwakwanai lau hanaia totona. Lau diba lasi dahaka do lau karaia.
Pablisa Goadana: Lau moale Bible oi dekenai ia noho dainai. Namona be oi abia bona Bible be edena bamona oi ia durua lau hahedinaraia oi dekenai. (Ia lao Bible ia abia totona. Pablisa Goadana ese 2 Timoteo 3:16, 17 ia duahia bona ena anina ia gwauraia.)
Pablisa Matamatana: Dirava ena Hereva ese ita ia hakaua neganai, gau namo herea do ita abia diba. Mani Ioane 17:3 ena hereva do lau duahia, ani? (Ia duahia. Pablisa Goadana ese buklet ia henia bona lou-henia dalana ia gwauraia.)
Ane 31 (59) bona guriguri.
JUNE 10 AI IA MATAMAIA PURANA
Ane 19 (221)
(10 min) Kongregesen ena hadibaia herevadia.
(20 min) “Sivarai Namona Harorolaia—Natudia Dekenai.” Namona be hebou vairanai duahiduahi taudia oi abidia hidi paragraf ta ta idia duahia totona, bena idia duahia murinai helai taudia be henanadai oi henidia.
(15 min) Uhau bona Ulato ese Iehova Idia Hanamoa. Idia do matamata negana lalonai, lagani 20 idia do abia lasi neganai, Iehova ena hesiai gaukara idia karaia hamatamaia pablisa goadadia ta o rua oi henanadai henia. Dahaka ese ia veridia Basileia ena sivarai idia kamonai henia totona? Idia do mero o kekeni neganai idia gwauhamata bona bapatiso idia abia dainai, edena bamona unai ese ia durudia idia tubu daekau negana lalonai hekwakwanai idia hanaidia totona. Danu, sikuli dekenai eiava ruma ta ruma ta gaukara dekenai idia haroro namonamo diba memero kekenidia amo pablisa ta o rua oi henanadai henia. Dahaka dainai unai gaukara dekenai idia kwalimu? Dahaka ese ia durudia idia hereva goadagoada totona? Lauma dalanai idia tubu daekau lalonai edia tamana bona sinana bona kongregesen ena lo taudia ese edena dala amo idia durudia? Namona be Keristen tamana bona sinana ese edia natudia idia hagoadaia noho gwauhamata bona bapatiso karana idia tahua totona.—The Watchtower, March 15, 1988, rau 14, 15, paragraf 21, 22.
Ane 73 (157) bona guriguri.
JUNE 17 AI IA MATAMAIA PURANA
Ane 100 (180)
(10 min) Kongregesen ena hadibaia herevadia. Kongregesen ena haroro ripoti May 1990 dekenai bona May 1991 dekenai pablisa be hida oi gwauraia hedinarai.
(20 min) “Bible Stadi Taudia Dekenai Bible Gaukaralaia Dalana Ita Hadibaia.” Hebou vairanai tadikaka bona taihu haida oi abidia hidi paragraf ta ta idia duahia totona, bena idia duahia murinai helai taudia dekenai henanadai oi gwauraia.
(15 min) “July! Gabu Daudau Teritori—Hegaegae Namonamo.” Haroro gaukara naria tauna eiava unai teritori ia diba elda tauna ta ese inai hereva do ia karaia. Tadikaka abia hidi guna paragraf ta ta idia duahidia totona, bena idia duahidia murinai henanadai oi gwauraia.
Ane 103 (193) bona guriguri.
JUNE 24 AI IA MATAMAIA PURANA
Ane 38 (8)
(10 min) Kongregesen ena hadibaia herevadia. Akaun ripotina gwauraia.
(20 min) “Hebou be Nega Korikori Ai Idia Kehoa bona Koua.” Hebou vairanai idia duahiduahi namonamo diba taudia oi abia hidi paragraf ta ta do idia duahia totona, bona idia duahia murinai henanadai be helai taudia dekenai oi henia.
(15 min) Moale Karaia Negana Laloa Namonamo. Memero bona kekeni haida oi henanadai henidia, edia lalohadai moale karadia dekenai idia hahedinaraia totona. Inai hereva do oi hegaegaelaia diba Young People Ask buka, karoa 35-37 amo. Bema English gado umui diba lasi oi hegaegaelaia diba Memero Kekeni buka ena karoa 16 bona 17 amo. Inai hereva ia naria tadikakana ese idia dekenai ia henanadai henia hereva haida be inai:
Dahaka dainai buka namodia sibona oi duahia be namo?
Buka namodia oi abia hidi diba dalana be dahaka?
Televisen raraia karana ena dika haida be dahaka, bona dahaka do oi karaia diba?
Tanobada memero kekeni edia kara oi tohotohoa lasi neganai, unai anina be oi moale lasi, a?
Dahaka dainai bema edia kara oi tohotohoa vadaeni dika ia vara diba?
Oi karaia moale karadia haida be dahaka?
Dahaka dainai ita laloa namonamo guna moale karadia ita do abia hidi totona?
Ane 71 (138) bona guriguri.