October Ena Hesiai Hebou

September 30 ai Ia Matamaia Purana

Ane 63 (32)

(10 min) Kongregesen ena hadibaia herevadia.

(20 min) “Taunimanima Durudia Dibura Idia Rakatania bona Diari Ai Idia Lao Totona.” Hebou vairanai, ia duahiduahi diba namonamo tauna oi abia hidi paragraf ta ta ia duahia totona, bena ia duahia murinai helai taudia dekenai henanadai oi gwauraia. Paragraf 6 oi kikilaia neganai, namona be idia hegaegae helai taudia rua oi abia hidi bena Gima Kohorona ese idia eiava edia ruma bese taudia ia durudia dalana ena sivarai do idia kikilaia.

(15 min) “Hereva Momokani Dekenai Lau Vareai Dalana.” Ekspiriens haida. Elda ta ese tadikaka eiava taihu rua o toi do ia henanadai henidia. Oi hahedinaraia Dirava ena Hereva bona iena orea ese edena bamona idia durudia edia mauri idia hahelagaia bona bapatiso idia abia totona. Oi hahedinaraia goevagoeva idia be hereva momokani lalonai idia vareai dainai dahaka hahenamo idia abia.

Ane 42 (108) bona guriguri.

October 7 ai Ia Matamaia Purana

Ane 162 (89)

(10 min) Kongregesen ena hadibaia herevadia. Hari pura lalonai, dala dekenai eiava maketi dekenai ita gaukaralaia diba magasin matamatadia edia sivarai haida edia hereva oi gwauraia hedinarai.

(20 min) “Kudouna Ibounai ida Hesiai Gaukara Ita Karaia—Kahana 1.” Haroro naria tauna ese paragraf edia hereva do ia kikilaia bona henanadai haida do ia henia helai taudia dekenai. Hebou vairanai, tadikaka eiava taihu haida oi abia hidi hebou lalonai Bible ena siri haida idia duahia totona, bona idia duahia murinai helai taudia be edena bamona do idia badinaia diba oi hahedinaraia goevagoeva. Helai taudia edia lalona oi veria inai hereva ena kahana 5 do idia ura kamonai henia totona.

(15 min) Basileia Haroro Ripoti. Inai hereva be October 1, 1990 ena Gima Kohorona, rau 29 amo do oi hegaegaelaia, ena ladana be “Mexico Dekenai Lauma be Idia Lalonai Ia Hururu.” Unuseniai idia karaia gaukarana bona oiemu kongregesen Papua New Guinea dekenai idia karaia gaukarana oi hahegeregerea.

Ane 173 (15) bona guriguri.

October 14 ai Ia Matamaia Purana

Ane 32 (10)

(10 min) Kongregesen ena hadibaia herevadia. Akaun ripotina gwauraia.

(20 min) “Sivarai Namona Harorolaia—Lalo-Parara Dalana Amo.” Hebou vairanai, ia duahiduahi namonamo tauna oi abia hidi hebou lalonai paragraf ta ta ia duahia totona, bena ia duahia murinai helai taudia dekenai henanadai oi gwauraia.

(15 min) Nega bona Gabu Idaudia Dekenai Ita Haroro be Gau Badana. Hereva do oi hegaegaelaia nega bona gabu idaudia dekenai ita haroro be gau badana oi hahedinaraia totona. Hereva momokani be unai dala amo idia kamonai pablisa rua eiava toi oi henanadai henidia. Kongregesen taudia oi hagoadaia nega bona gabu idaudia dekenai idia haroro totona.

Ane 67 (38) bona guriguri.

October 21 ai Ia Matamaia Purana

Ane 210 (80)

(10 min) Kongregesen ena hadibaia herevadia. Henuna hereva gwauraia danu:

Laloaboio lasi, October ena hua dokona be ia kahirakahira dainai, namona be ripoti umui atoa.

(20 min) “Kongregesen Ena Buka Stadi—Kahana 1.” Ia aonega bada elda ta bona Kongregesen Buka Stadi idia naria elda eiava hesiai tauna ta eiava rua danu ese inai hereva do idia kikilaia hebou. Oiemu Kongregesen ena manoka gaudia rua eiava toi oi herevalaia, hegeregere, buka stadi lalonai tadikaka bona taihu idia haere neganai namona be sibodia edia hereva amo do idia haere, bona buka stadi edia hereva badinaia dalana do idia gwauraia hedinarai danu.

(15 min) Kongregesen Durua Herevana Ta. Elda ta ese inai hereva do ia karaia. Elda taudia ese do idia abia hidi dahaka hereva do ia gwauraia kongregesen taudia durudia totona. Sekit tauna ese kongregesen ia vadivadi henia neganai ia gwauraia kongregesen ena manoka gauna ta be reana Bible ena hereva amo do oi kikilaia.

Ane 152 (82) bona guriguri.