December Ena Hesiai Hebou
November 30 ai Ia Matamaia Purana
Ane 205
10 min: Kongregesen ena hadibaia herevadia. Magasin matamatadia dekena amo ita gaukaralaia diba hereva namodia oi kikilaia. Hebou taudia iboudiai oi hagoadaia hari Saturday bona Sunday dekenai do idia lao haroro totona.
20 min: “Tau Hereadaena.” Hebou vairanai, duahiduahi namonamo diba tauna oi abia hidi paragraf do ia duahidia totona, bona ia duahidia murinai helai taudia dekenai henanadai oi henia. Paragraf 4 oi kikilaia neganai, buka henia dalana idia hegaegaelaia haheitalai maragina do idia karaia. Oi hahedinaraia goevagoeva ita ibounai ese unai buka matamatana ena sivarai ita diba namonamo be gau badana.
15 min: Iehova Ena Witness Taudia ese Kirisimasi Idia Hahelagaia Lasi Ena Badina. Bema mai dalana elda ta ese inai hereva do ia karaia. Hari inai hua lalonai taunimanima momo be Kirisimasi moalelaia bona hahelagaia totona idia hegaegae. Sikuli momo dekenai idia ese ane bona gadara haida idia hegaegaelaia inai lagani ena sikuli koua totona. Nega momo natudia ese edia sina bona tama edia gwaumaoro idia tahua sikuli moalena dekenai do idia vareai totona.
HAHEITALAI: Natuna ta ese ena tamana bona sinana inai bamona ia henanadai henidia: “Lauegu tisa ese lau ia nanadaia Kirisimasi gadara dekenai do lau vareai. Unai be Iosef, Maria bona Iesu edia sivarai gadarana. Tisa ia gwau unai gadara lalonai lau ese Iosef (Maria) ena gabu lau abia be namo. Ia namo unai lau karaia totona, a?”
Ena tamana eiava sinana be Sikuli bona Iehova ena Witness Taudia buklet, rau 18 bona 19 amo ena natuna ia haere henia.
Ane 105 bona guriguri.
December 7 ai Ia Matamaia Purana
Ane 34
10 min: Kongregesen ena hadibaia herevadia.
20 min: “Sivarai Namona Harorolaia—Tau Hereadaena Bukana Amo.” Tadikaka be inai sivarai do ia kikilaia bona helai taudia dekenai henanadai haida do ia henidia. Haheitalai rua ia hegaegaelaidia. Ginigunana karaia totona, paragraf 3 dekenai ia noho heduru herevadia do ia gaukaralaia. Iharuana ese unai buka matamatana amo Bible stadi hamatamaia dalana do ia hahedinaraia.
15 min: Henanadai. Elda ta ese inai hereva do ia henia.
Ane 65 bona guriguri.
December 14 ai Ia Matamaia Purana
Ane 105
10 min: Kongregesen ena hadibaia herevadia. Akaun ripotina gwauraia.
20 min: “December bona January ai Gabu Idauidau ai bona Nega Idauidau ai Haroro Gaukara Do Oi Karaia, A?” Inai kahana dekenai hereva badadia oi gwauraia hedinarai, bona haheitalai karaia. Namona be oi hahedinaraia namonamo nega hanaihanai ita be Iehova ena Witness taudia dainai, dala ita tahua taunimanima ita haroro henidia totona. Namona be hebou vairanai ekspiriens kwadogidia rua oi hegaegaelaia, unai ekspiriens dekenai tadikaka be gabu idauidau ai bona nega idauidau ai haroro gaukara ia karaia bona anina namona ia davaria do ia kikilaia, eiava kongregesen dekenai ia noho tadikakana ta be hereva momokani ia abia dae badina ta ese gabu idauidau ai eiava nega idauidau ai ia haroro henia dainai do ia kikilaia.
15 min: “ ‘Diari Loalaia Taudia’ Edia Distrik Hebouhebou Ena Hadibaia Hereva Haida.” Tadikaka ta ese inai hereva be helai taudia danu ia kikilaia. Namona be iboudiai ia hagoadaia, hari Distrik Hebouhebou totona idia hegaegae.
Ane 100 bona guriguri.
December 21 ai Ia Matamaia Purana
Ane 92
10 min: Kongregesen ena hadibaia herevadia. Kongregesen ena November haroro ripotina gwauraia.
15 min: “Magasin Gaukaralaidia Namonamo.” Henanadai bona haere amo karaia. Namona be helai taudia dekenai oi hahedinaraia bema ruma taudia be magasin idia ura henia momokani neganai sibona, sabskripsen idia henia toho. Paragraf 6 oi kikilaia neganai, tadikaka oi durudia magasin matamatana idia abia hanaihanai taudia lou henidia loulou dalana idia diba totona: Namona be auka lasi dalanai taunimanima oi hereva henidia; ruma ta ruma ta gaukara ena rekod oi torea namonamo; do idia mai magasin matamatadia edia hereva namodia haida oi gwauraia hedinarai edia lalona oi veria totona; magasin ena hereva ese ia haerelaia henanadai haida oi gwauraia, namona be hanaihanai pura rua murinai oi lou henidia.
20 min: Tau Hereadaena Bukana amo Kongregesen Ena Buka Stadi Karaia. Kongregesen ena Buka Stadi ia karaia tauna ese pablisa taudia 4 eiava 5 ida buka stadi karaia dalana be kongregesen taudia dekenai idia haheitalaia. Namona be inai haheitalai idia karaia namonamo, bona October ena Iseda Basileia Gaukara pepana ena hereva idia badinaia namonamo. Tau Hereadaena bukana karoa 11 oi gaukaralaia. Oi hahedinaraia buka ai idia noho Bible siri latadia idia hapararaia be namo grup taudia ta ta ese siri ta ta do idia duahia totona, eiava oi hahedinaraia bema nega be ia hegeregere lasi siri ibounai duahia totona, namona be hereva badadia sibona do idia kikilaia. Haheitalai idia karaia noho neganai buka stadi ia hakaua tauna ese helai taudia dekenai karaia dalana ia herevalaia diba. Haheitalai idia karaia neganai namona be helai taudia be sibodia edia buka amo unai hereva idia itaia.
Ane 63 bona guriguri.