Sibona Oi Hadibaia Dirava Abidadama Henia Totona
1 Haroro School be sisina sisina ita ia hadibaia ‘hereva momokani do ita hadibaia maoromaoro totona.’ (2 Tim. 2:15) Unai school lalonai oi vareai vadaeni, a? Bema lasi bona oi hegeregere oi vareai totona, namona be hari emu ladana oi henia unai school namona dekenai oi vareai bona namo oi davaria, ani?
2 Pura ta ta iboudiai school dekenai Baibel duahiduahi be gau badana. Oi sibona emu stadi lalonai, idia gwauraia pura ta ta edia Baibel duahiduahi siridia oi duahia hegaegae be namo, unai amo Baibel ibounai do oi duahia ore diba.
3 Lagani 1993 ena Haroro School Sediual lalonai, Hereva Namba 2, Baibel duahiduahi unai, ia henia tauna be ena siri iboudiai do ia duahidia, duahiduahi lalonai hereva ena anina do ia gwauraia lasi. Unai ena anina be unai hereva ia henia tadikakana be ena hamatamaia herevana bona dokona herevana lalonai sibona, hereva ena anina do ia gwauraia hedinarai. Bible Ena Karoa Edia Hereva Badadia ia henia tadikakana be Hereva Namba 2 do ia henia tadikakana ena siri do ia herevalaia momo lasi, unai neganai Hereva Namba 2 ia henia tauna ese ena Baibel duahiduahi ena sivarai ia kikilaia bada diba.
4 School naria tauna be Hereva Namba 2, 3, bona 4 idia henia taudia edia Haroro Sisiba pepana do ia makaia. To reana Haroro Sisiba pepana ena namba ta ta idia torea bamona do ia makaia lasi; hereva ia henia tauna ena manoka gabudia ia laloa guna, bona unai manoka gabuna ena namba ia makaia. Hereva Namba 1 ia henia tadikakana ena Haroro Sisiba pepana do ia makaia lasi, to ena manoka gabuna ta ia hedinarai neganai, sibona ia noho neganai do ia sisiba henia diba.
5 Idia hegeregere taudia iboudiai be Iehova ia henia lauma gaudia idia gaukaralaidia be namo, unai be Haroro School dekenai idia hadibaia karana danu. Unai hadibaia karana ese ia durudia edia haroro gaukara amo huahua idia davaria totona.—1 Tim. 4:7.