Lagani 1993 Lalonai Dahaka Do Oi Karaia Sikuli Dekenai?
1 February ena hua lalonai sikuli taudia idia giroa lao sikuli dekenai. Unai neganai tisa matamatadia, hahediba hereva matamatadia bona hekwakwanai matamatadia danu be Witness memero bona kekeni momo ese do idia davaria. Sikuli dekenai oi lao, diba abia totona, to sikuli ai ma haida oi hadibaia diba danu. Basileia ena sivarai namona oi gwauraia diba, oiemu tisa taudia dekenai bona oiemu klas taudia dekenai danu. Bema sikuli dekenai aonega dalanai oi haroro, Iehova ena ladana oi hanamoa diba bona moale oi davaria diba.
IEHOVA IA URA GAUNA
2 Iehova ia ura memero kekeni be tomadiho momokani lalonai hesiai gaukara idia karaia danu. (Sal. 148:12, 13) Idia be mai edia gabu iena hesiai gaukara lalonai. (Sal. 110:3; Mat. 19:13, 14) Sikuli gabuna ai sikuli memero bona kekeni oi haroro henidia bona kara maoromaoro oi badinaia neganai, oi be Iehova ena ladana oi abia isi. (Her. 27:11) Oiemu kamonai karana amo reana ma haida do oi hagoadaia bena idia danu Iehova Dirava do idia hanamoa.—Mat. 21:15, 16.
3 Gaukara ta karaia namonamo totona, namona be oi idia hadibaia bona oi karaia loulou. Reana ta ese oi ia hadibaia vadaeni gita oi hataia totona, to bema oi karaia loulou lasi oi hataia namonamo diba lasi. Unai hegeregerena, memero kekeni be Keristen hesiai gaukara ibounai idia karaia namonamo totona, namona be idia karaia loulou. Namona be oi tubu daekau noho mai emu aonega ida, Iesu ia mero neganai ia karaia bamona. (Luka 2:52) Duahiduahi dalana oi dibaia namonamo. Sikuli ena stadi oi karaia namonamo. Oiemu Bible stadi, ruma bese taudia ida bona kongregesen lalonai oi laloa bada. Bema unai bamona oi karaia taunimanima ese oi do idia gwauraia namo, tauhau Timoteo idia gwauraia namo hegeregerena.—Kara 16:1, 2.
TAMA SINA ESE DAHAKA IDIA KARAIA DIBA?
4 Tama sina e, emui natudia mani umui durudia bona umui hagoadadia, sikuli ai idia haroro totona. Idia umui hadibaia, bema hereva momokani idia badinaia bona idia harorolaia, unai ese idia ia naria bona idia ia gimaia, sikuli ai kara dika idia karaia lasi totona. Danu, Witness lasi natudia ese idia do idia matauraia.
5 Nega momo tisa taudia ese dala idia lailaia sikuli memero bona kekeni be sikuli lasi negana lalonai kara idaudia haida idia karaia totona, o gabu ta idia vadivadi henia totona, bena sikuli natudia ese Witness natudia idia doria toho unai kara idia karaia totona, o unai laolao dekenai idia lao totona. Tisa taudia bona gadara naria taudia ese memero kekeni idia doria, sikuli lasi negana lalonai idia gadara totona, bona nega momo natu edia goada be hegeregere lasi unai doria karana idia dadaraia totona. Hadibaia herevadia namodia be Sikuli bona Iehova ena Witness Taudia buklet, rau 22-25 lalonai. Unai hereva ese ita ia durua lalohadai maorona ita goadalaia totona. Memero Kekeni bukana lalonai danu ma hadibaia herevadia haida idia noho. Namona be nega oi abia hidi, unai hereva be oiemu natudia ida do umui herevalaia hebou totona, badina unai kara amo namo do ia vara.—Her. 22:6.
6 Sikuli gabunai Keristen taravatudia oi badinaia neganai, oi diba Iehova ena amo hahenamo momo do oi davaria, harihari bona vaira negana lalonai danu. Hereva Lada-isidia 20:11 ia gwau: “Mero maragina ena kara amo sibona ia hahedinaraia, ena kara be idia goeva bona idia maoro eiava lasi.”—Salamo 37:37 itaia danu.
[Questions]
1. (a) Lagani 1993 ai Witness natudia be sikuli dekenai idia giroa lao neganai, dahaka gau matamatadia do idia davaria? (b) Witness sikuli memero kekeni be dahaka gaukara namona idia karaia diba? (c) Lagani 1993 lalonai do oi sikuli neganai, edena bamona moale oi davaria diba?
2. (a) Salamo 148:12, 13 ia hahedinaraia Iehova ia ura memero kekeni ese dahaka do idia karaia? (b) Witness memero kekeni ese Hereva Lada-isidia 27:11 ena sisiba edena bamona idia badinaia diba? (c) Bema Witness memero kekeni be haheitalai namodia idia hahedinaraia, dahaka ia vara diba?
3. (a) Witness memero kekeni be edena bamona hesiai taudia namodia ai idia lao diba? (b) Witness memero kekeni be dahaka idia karaia diba, Iesu bona Timoteo idia tohotohoa totona?
4. (a) Witness memero kekeni ese Witness lasi memero kekeni edia hemataurai idia dekenai edena bamona idia habadaia diba? (b) Tama sina ese edia natudia edena bamona idia durua diba?
5. (a) Witness natudia be sikuli dekenai edena hahetoho idia davaria? (b) Tama sina be edena hereva edia natudia ida idia stadilaia diba?
This is a repeat of article in km 1/91 taken from km-E 9/85 “What Will You Do in School This Year?”