March Ena Hesiai Hebou
March 1 ai Ia Matamaia Purana
Ane 53
10 min: Kongregesen ena hadibaia herevadia.
20 min: “Pepapepa Gaukaralaia Anina Namona Havaraia Totona.” (Kahana 1) Namona be ia duahiduahi namonamo diba tadikakana ta oi abia hidi paragraf ia duahidia totona, bena murinai henanadai be helai taudia oi henidia. Paragraf 5 murinai, haheitalai amo Emu Famili Oi Moalelaia pepapepana amo hereva hamatamaia dalana oi hahedinaraia. Paragraf 8 murinai, gabu idauidau ai bona nega idauidau ai pepapepa hariharilaia dalana oi haheitalaia.
15 min: “Sibona Oi Hadibaia Dirava Abidadama Henia Totona.” Haroro School naria tauna be hagoadaia herevana do ia henia. Hereva Namba 2 henia dalana do oi gwauraia hedinarai, bona tadikaka oi hamaorodia Bible Ena Karoa Edia Hereva Badadia idia henia neganai, namo lasi Hereva Namba 2 ena Baibel siridia do idia herevalaia momo.
Ane 103 bona guriguri.
March 8 ai Ia Matamaia Purana
Ane 20
10 min: Kongregesen ena hadibaia herevadia.
20 min: “Pepapepa Gaukaralaia Anina Namona Havaraia Totona.” (Kahana 2) Namona be ia duahiduahi namonamo diba tadikakana ta oi abia hidi paragraf ia duahidia totona bena murinai henanadai be helai taudia oi henidia. Eiava paragraf 1 bona 2 murinai, haheitalai dekenai pablisa ta be pepapepa amo Baibel stadi hamatamaia dalana do ia hahedinaraia. Paragraf 5 murinai, pablisa ta ese ia hegaegae Inai Tanobada Do Ia Ore Eiava? pepapepana amo Baibel stadi ta hamatamaia dalana ia hahedinaraia totona.
11 min: “Jesu ese Davana Ia Henia Karana Ita Moalelaia.” Bema mai dalana elda ta ese inai hereva do ia henia.
Ane 196 bona guriguri.
March 15 ai Ia Matamaia Purana
Ane 172
10 min: Kongregesen ena hadibaia herevadia. Akaun ripotina.
20 min: Politik Kara Sikuli ai—Hetoho Badana Iseda Memero Kekeni Dekediai. Kongregesen elda tauna ta ese inai hereva do ia henia bona haheitalai ta do idia karaia.
1 Iseda orea ena sikuli natudia momo edia Keristen kara dekenai hetoho badana ta idia abia, haisikuli dekenai idia lao natudia danu. Sikuli momo lalodiai vouti karana amo stiuden taudia idia abia hidi dagi ta idia abia totona, hegeregere edia klas kapitan, edia naria tauna, eiava idia ia gunalaia mero bona kekeni. Unai vouti karana amo stiuden taudia haida be dagi idia abia bona gabeai sikuli kaunsolo orea dekenai idia vareai diba, unai kaunsolo orea be stiuden taudia edia lalohadai idia hahedinaraia, bona mai edia siahu sisina sikuli tisa, hedimasta eiava sikuli naria orea taudia danu dala haida idia abia hidi totona. Sikuli naria taudia idia ura stiuden taudia idia hagoadaia politik eiava gavamani bamona gaukara idia karaia totona, badina idia ura sikuli amo idia doko neganai, reana idia haida be gavamani ena memba taudia ai do idia lao diba. Unai dainai, sikuli momo lalodiai stiuden taudia edia gavamani bamona orea idia haginia.
2 To, Witness memero kekeni be sikuli ena politik dekenai idia vareai lasi, vouti amo dagi idia abia lasi, bona idia vouti lasi ma ta ese dagi do ia abia totona. Unai dainai, bema sikuli natudia idia ura Witness natudia ese dagi idia abia totona idia vouti bona edia ladana do idia torea, mai ena hemataurai danu Witness natudia do idia gwau idia ura lasi. Unai neganai idia be Iesu ena haheitalai namona idia tohotohoa. Taunimanima be pavapava ai do idia ura halaoa neganai, Iesu be idia dekena amo ia siri. (Ioane 6:15) Bema natudia be unai bamona idia karaia lasi, edia Keristen gini siri karana do idia hadikaia, bona edia Gunalaia Tauna hegeregerena idia hereva diba lasi, ia gwau “idia be tanobada ena lasi.”—Ioane 17:16.
3 Ita laloa gauna ma ta be inai: Klas kapitan bona naria taudia edia gaukara maduna haida be reana Keristen ena taravatu hegeregerena lasi. Hegeregere, nega momo prefect taudia idia hamaorodia bese abia isi anedia idia gunalaia totona, sikuli ena guriguri idia karaia totona, pepe idia veria daekau totona, bona bese edia holide moalena idia hegaegaelaidia totona.
HAHEITALAI: Klas taudia ese Witness stiuden ena ladana idia gwauraia klas kapitan ena dagi do ia abia totona, bona ia ese ena tisa ia lao henia.
Stiuden: Eksius, Sir, oi lau hereva henia diba, a?
Tisa: Oibe, ia namo. Dahaka oi ura hereva?
Stiuden: Oi diba vadaeni, klas taudia ese lauegu ladana danu idia gwauraia klas kapitan ena dagi do lau abia totona, ani?
Tisa: Oibe? Ena kerere be dahaka?
Stiuden: Stiuden taudia ese lau idia laloa bada dainai lau moale, to lau ura oi lau hadibaia unai dagi lau abia diba lasi.
Tisa: Be? Oi be stiuden namo hereana ta. Oi be klas kapitan namona ai oi lao diba.
Stiuden: Sir, oi diba vadaeni, lau be Iehova ena Witness ta. Lau laloa lau be Keristen dainai, egu lalona ena mamina be hegeregere lasi vouti karana amo sikuli dekenai dagi do lau abia totona. Lau goada karaia Iesu ena kara lau tohotohoa totona, unai dainai vouti bona politik karadia amo lau gini siri. Unai dainai egu lalona ena mamina be ia hegeregere lasi sikuli gavamani bona politik lalonai lau vareai totona.
Tisa: Emu hereva be namo, to oi be stiuden dainai oi be mai emu maduna sikuli do oi durua totona.
Stiuden: Oibe, Sir, unai lau diba. Lau diba lauegu maduna be lau hemataurai, lau gaukara goadagoada, lau henaohenao lasi bona ma haida edia namo lau tahua. Bona bema oi, eiava egu tisa taudia ma haida ese gaukara ma ta lau umui henia, bona egu Keristen ena gini siri karana be ia hadikaia lasi, unai gaukara do lau karaia namo herea. To, vouti eiava eleksen karana amo dagi ta lau abia diba lasi.
Tisa: Ia namo. Oiemu ladana be lista dekena amo do lau kokia bona kerukeru klas taudia do lau hadibadia.
Stiuden: Sir, tanikiu bada. Lau ura oi dekenai inai buklet lau henia, ia hahedinaraia dahaka dainai Iehova ena Witness taudia be unai bamona sikuli karadia dekenai idia ura lasi vareai. (Sikuli buklet ia henia.)
Tisa: Tanikiu. Oibe, lau ura diba dahaka dainai umui Iehova ena Witness taudia be umui idau.
4 Hereva hadokoa totona, tamana bona sinana oi hagoadadia edia sikuli natudia danu inai hereva do idia kikilaia hebou totona, reana edia ruma bese Baibel stadi dekenai do idia kikilaia. Namona be natudia idia nanadailaidia edia sikuli dekenai idia karaia sikuli gavamani karana be edena bamona. Natudia be hetoho idia davaria unai kara dainai, a? Dahaka idia karaia unai hetoho idia hanaia totona? Nega haida hekwakwanai ia bada dainai, namona be tamana bona sinana be sikuli dekenai idia lao edia lalohadai sikuli hedimasta eiava tisa dekenai do idia gwauraia hedinarai totona. Namona be ita ibounai be iseda orea ena natudia ita hagoadadia, badina sikuli dekenai dina ta ta iboudiai hetoho bona hekwakwanai idauidau ese idia doridia edia Keristen kara namodia idia hadikaia totona.
15 min: “Memorial—Hegaegae bona Hahelagaia Karana.” Tadikaka ta ese helai taudia danu (1) Memorial hegaegaelaia karana bona (2) Memorial karaia dalana do ia kikilaia namonamo.
Ane 150 bona guriguri.
March 22 ai Ia Matamaia Purana
Ane 6
10 min: Kongregesen ena hadibaia herevadia. Kongregesen ena haroro ripotina gwauraia hedinarai. Tadikaka bona taihu edia gaukara namo herea dainai oi hanamodia. Edena gaukara do idia hanamoa diba oi gwauraia danu.
MEMORIAL HEBOUNA: Lagani ta ta iboudiai ita karaia bamona, Tuesday, April 6, 1993 ai, dina ia diho murinai unai hebou ena paraoa bona uaina ita siaia. Iesu ia do mase lasi neganai idia vara gaudia be dina ta ta ai ita laloa totona, henunai Baibel duahiduahi sediual ai torea. Unai Baibel duahiduahi sediual be lagani 1993 kalenda dekenai bona 1993 Dina Iboudiai Buka Helaga Tahua buklet dekenai ita davaria diba danu.
Thursday, April 1: Luka 19:29-44
Friday, April 2: Luka 19:45-48; Mataio 21:12, 13, 18, 19
Saturday, April 3: Luka 20:1-40
Sunday, April 4: Luka 22:1-6
Monday, April 5: Luka 22:7-13; Mareko 14:12-16
Tuesday, April 6: Luka 22:14-71
20 min: “Mai Aonega Danu Anina Bada Gaukara Gaudia Gaukaralaidia.” Elda ese hereva maragina do ia henia bona murinai, paragraf 2 bona 5 edia hereva be haheitalai rua amo do idia karaia. Haheitalai ginigunana lalonai edia kiki idia haorea neganai, ruma tauna be magasin rua ia abia bona davana ia henia. Pablisa ia gwau ma nega ta do ia giroa mai bona henanadai ta do ia haerelaia. Unai henanadai be: “Dahaka dainai Dirava ese hisihisi ia koua lasi?” Haheitalai iharuana lalonai, edia kiki idia haorea murinai, pepapepa amo Baibel stadi idia hamatamaia. Tadikaka bona taihu iboudiai oi hagoadadia hari Saturday bona Sunday ai idia haroro neganai, ruma taudia dekenai Baibel ena sivarai idia kikilaia totona.
15 min: Henanadai. Elda ta eiava lo tadikakana ta ese henunai ia noho sivaraina do ia kikilaia. Hereva ma haida oi diba totona, namona be Revelation Climax bukana, karoa 28, paragraf 32-38 oi itaia. Danu, Insight on the Scriptures bukana, Volume 2, rau 512 oi itaia.
Ane 200 bona guriguri.