Memero Kekeni—Mai Aonega ida Umui Raka
1 Iseda Tamana, Iehova, ia ura memero kekeni be lauma dalanai idia goada idia lao. Memero kekeni be mai aonega danu iena lalokau sisibana idia kamonai henia neganai, idia ese iena kudouna idia hamoalea sibona lasi, to danu sibodia dekenai lalo-maino idia davaria. (Her. 27:11; Mat. 11:28-30) Idia ura Iehova ia henia aonega herevadia ese edia raka dalana idia hakaudia.—Her. 16:9.
2 Keriso Iesu be haheitalai namona, badina ia mero neganai Dirava bona taunimanima ese idia ura henia. (Luka 2:52) Hari inai negai, namona be memero kekeni idia goada karaia iena kara idia tohotohoa totona. Bema aonega dalana amo mero o kekeni ena raka dalana idia hakaua neganai, ia ese lauma gaudia do ia tahua momo. Iena lagani be 12 neganai, taunimanima idia diba Iesu ena kara be ia ura taunimanima dekenai Iehova ena sivarai ia gwauraia. (Luka 2:46, 47) Hari inai negai, memero kekeni momo ese idia hahedinaraia idia ura taunimanima dekenai edia abidadama ena badina idia gwauraia hedinarai.—w90-E 7/1 rau 29-30; w87-E 12/1 rau 21.
3 Umui memero kekeni be hari dahaka umui karaia diba ‘emui gau namodia amo Iehova umui hanamoa totona’? (Her. 3:9) Namona be emui nega haroro bona hadibaia gaukaradia dekenai do umui habadaia, hegeregere, heduru pioneer gaukara do umui karaia, ani? Reana do umui hoa badina emui haroro gaukara umui habadaia neganai, emui moale do ia bada bona hahenamo ma haida do umui davaria dainai. Danu, unai neganai pablisa idauidau momo umui bamodia diba umui haroro hebou totona. Namona be haroro gaukara ia manadalaia vadaeni pablisa ta eiava rua oi henanadai henidia hari Saturday bona Sunday dekenai umui haroro hebou totona.
4 Haroro totona, tamana bona sinana ese edia natudia ida haroro herevana idia hegaegaelaia bona idia haroro hebou karadia amo edia natudia idia hagoadadia bona idia durudia bada diba. Kongregesen lalonai idia lo tadikaka bona taihu ese memero kekeni idia durudia diba danu, namona be idia boiridia idia danu ruma ta ruma ta, lou-henia, bona Baibel stadi gaukaradia idia karaia hebou totona. Memero kekeni be lauma dalanai idia goada pablisa taudia idia bamodia momo neganai, unai ese ia durudia ‘lo taudia ai idia lao totona.’—Heb. 6:1.
5 Keristen taudia iboudiai be edia hadibaia dalana idia hanamoa be namo. Memero kekeni danu. Umui memero kekeni e, Haroro School dekenai tok do umui henia be moale karana, to unai tok umui hegaegaelaia namonamo, a? Sediual umui karaia Baibel duahiduahi bona sibona umui stadi bona stadi herevana umui laloa namonamo totona, a? Umui stadilaia herevadia umui badinaia, a? Hebou dekenai idia henia hereva edia anina do umui lalo-pararalaia bona haere do umui henia diba totona, umui hegaegae namonamo guna, a? Hebou lalonai idia gwauraia heduru herevadia umui lalodia tao bona Iseda Basileia Gaukara pepadia dekenai idia torea heduru herevadia umui badinadia, a?
6 Namona be Kingdom Hall hagoevaia gaukarana do umui reaia lasi, bona idia buruka eiava idia gorere tadikaka bona taihu be dala idauidau ai umui durudia. Kingdom Hall bona Society ena tanobada ibounai haroro gaukarana durua totona namona be hanaihanai kontribusen umui henia.
7 Bema iseda ‘raka dalana do ita gimaia, Iehova ena hereva hegeregerena,’ bona ita ura iseda raka dalana do ia gwauraia, ia ese ita do ia hakaua moale dekenai bona haroro gaukara ena hahenamo ma haida do ita davaria.—Sal. 119:9.
[Questions]
1. Dahaka dainai memero kekeni be Iehova ena lalokau sisibana idia kamonai henia be namo?
2. Hari inai negai, memero kekeni be Keriso Iesu ena kara be edena bamona idia tohotohoa diba?
3. Memero kekeni be heduru pioneer gaukara idia karaia neganai, dahaka hahenamo idia davaria?
4. Kongregesen lalonai, daidia ese mai anina bada heduruna be memero kekeni pablisa taudia do idia henidia diba?
5. Memero kekeni be sibodia dekenai dahaka henanadaidia do idia henia?
6. Kongregesen lalonai, memero kekeni be edena dala ma haida amo do idia heduru diba?