Ita Hebou be Anina Bada Maduna
1 Hebou karana oi laloa bada, a? Unai be henanadai badana, ani? Reana ita momo ita gwau hebou ita moalelaidia. To, ripoti ese idia hahedinaraia kongregesen momo dekenai idia hebou taudia edia namba ia diho ia lao. Ena badina be dahaka? Sedira ita haida be iseda moni gaukara ita habadaia, iseda tauanina ia hesiku, houmwok ita karaia, ita gorere sisina, eiava medu ia diho dainai nega haida hebou dekenai ita lao lasi, a? (Deut. 31:12) Ita hebou be Baibel ena hahegani ta, unai dainai ita ta ta iboudiai be mai guriguri danu inai henanadai do ita laloa be gau badana, Lau ese hebou karana lau laloa bada, a?
2 Iseda tadikaka haida be hebou dekenai idia lao totona, idia be hora momo kahu dala dekenai idia raka bona huala idia noho sinavaidia idia hanaidia. Reana oiemu kongregesen dekenai, ena be mai edia gorere bada, edia tauanina kahana ta ia dika, edia moni gaukara dekenai idia gaukara bada, eiava sikuli dekenai idia hekwarahi bada, to mai edia abidadama taudia haida be hebou idia “rakatania lasi.” (Luka 2:37) Hebou lao henia hanaihanai totona, dahaka dainai idia hekwarahi bada? Badina idia diba inai tanobada ena hekwakwanai be sibodia edia goada dekenai idia hanaia diba lasi. Dirava ese ia henia goadana dekenai idia tabekau be gau badana.—2 Kor. 12:9, 10.
3 Hari inai negai, ita be idaunegai Keristen taudia edia kara ita tohotohoa, hanaihanai idia hebou, idia guriguri, hagoadaia hereva idia gwauraia heheni, bona Dirava ena Hereva idia stadilaia. (Kara 4:23-30; 11:4-18; Kol. 4:16) Hebou dekenai Baibel ena peroveta herevadia, hahediba herevadia, Dirava ia ura henia karadia, bona Keristen ena kara goeva be ita idia hadibaia, bona hari iseda mauri hanamoa totona, sisiba ita abia Baibel ena taravatu ita badinaia totona. (1 Tim. 4:8) Ma danu, ita laloaboio garina, ita idia hadibaia iseda helaro be hekwakwanai bona hisihisi gaudia gabeai do idia ore. Unai helaro ita dogoatao noho be gau badana.—Heb. 6:19.
4 Oiemu ruma bese taudia be hebou karana idia laloa bada, a? Aniani eiava moni gaukara idia laloa bada hegeregerena idia laloa bada, a? Hebou hanuaboidia dekenai, oi daradara do oi lao eiava lasi totona, eiava tadikaka bona taihu idia bamodia totona oiemu ruma bese taudia be vaia edia kara hanaihanai idia lao? Pablisa momo be idia tubu daekau negana idia laloatao, edia bapatiso tama sina be haheitalai namona idia karaia. Mai moale danu elda ta ia gwau: “Egu Tamana ena kara namona be hanaihanai ena ruma bese idia hebou totona ia durudia. Bema ta ia gorere, ai ta be ai noho ai naria totona, to ruma bese oredia be hebou dekenai idia lao!”
5 Gabeai, Iseda Basileia Gaukara pepadia lalodiai, hebou taudia ese lauma gaudia do idia lalodia bada totona, kongregesen hebou ta ta edia namo do ita gwauraia hedinarai. Bema hebou haida be guna oi reaia, ai laloa unai heduru hereva ese oi do idia durua bena do oi lalo-parara hereva namodia momo oi reaia vadaeni. Unai hereva haida ese hebou idia naria taudia do idia durua, bona ita ibounai ese unai heduru hereva ita badinaia diba hebou totona ita hegaegae neganai bona hebou dekenai haere ita henia neganai danu. Namona be emu ruma bese taudia danu umui helai hebou bona mai guriguri danu emui hebou karana do umui laloa namonamo, ani? Bena murinai, emui sediual umui haidaua ruma bese taudia iboudiai do idia hebou hanaihanai diba totona. Hebou hanaihanai karana be iseda tiokratik hadibaia dala badana bona ita laloa bada be gau badana.
[Questions]
1. (a) Haida ese hebou idia reaia ena badina be dahaka? (b) Ita hebou be Baibel ena hahegani ta dainai, mai iseda guriguri danu dahaka henanadai do ita laloa be gau badana?
2. (a) Hebou idia lao henidia totona, tadikaka haida be edena bamona idia hekwarahi bada? (b) Dahaka dainai idia hekwarahi bada?
3. (a) Hebou karana dekenai daidia edia kara ita tohotohodia? (b) Hebou dekenai ita lao neganai dahaka namo ita davaria?
4. Hebou karana be edena bamona ita laloa bada be namo?
5. (a) Gabeai, Iseda Basileia Gaukara pepadia lalodiai, dahaka heduru hereva do idia noho? (b) Hari, ruma bese ta ta iboudiai be dahaka do idia karaia be namo?