February Ena Hesiai Hebou
February 7 ai Ia Matamaia Purana
Ane 101
10 min: Kongregesen ena hadibaia herevadia.
20 min: Mauri Hanaihanai Paradaiso Lalonai Buka Hariharilaia Dalana. Haroro gaukara naria tauna be mai goada danu hereva kwadogina ia henia. Unai buka ese taunimanima ia durudia Iehova idia diba bona idia tomadiho henia totona. Idia hegaegaelaia namonamo haheitalai rua do idia karaia. Ginigunana be inai: Pablisa ta be Iseda Basileia Gaukara pepana amo hereva ia hegaegaelaia unai buka be haroro gaukara dekenai do ia hariharilaia totona. Iharuana be inai: Pablisa ta ese unai buka be ruma ta ruma ta dekenai ia hariharilaia.
15 min: Dirava Ena Hebogahisi Oi Laloa Maoromaoro. Elda ta ese inai hereva “Dirava Ena Hebogahisi Oi Laloa Maoromaoro” be Gima Kohorona, October 1, 1993, rau 22-5 amo do ia hegaegaelaia.
Ane 116 bona guriguri.
February 14 ai Ia Matamaia Purana
Ane 147
10 min: Kongregesen ena hadibaia herevadia. Nega sisina lalonai, magasin matamatadia amo teritori dekenai taunimanima edia lalona do ia veria diba hereva haida oi hahedinaraia. Murina hua dekenai Memorial do ita karaia, unai dainai tadikaka bona taihu idia hegaegae namonamo totona oi hagoadadia. Namona be pablisa taudia ese edia Baibel stadi taudia idia hagoadadia Memorial dekenai idia lao totona. Namona be ita stadi henia taudia bona idia ura mai taudia iboudiai dekenai Memorial pepana ita henidia. Murina Saturday bona Sunday edia haroro gaukara oi gwauraia hedinarai.
20 min: “Ita Hebou be Anina Bada Maduna.” Henanadai bona haere amo oi karaia. Paragraf 2 oi karaia neganai, hebou dekenai idia mai hanaihanai totona hekwakwanai idia hanaia pablisa taudia haida oi henanadai henidia.
15 min: Kongregesen Ena Haroro Gaukara. Haroro gaukara naria tauna be elda ta danu be idia ore vadaeni hua ima ena kongregesen haroro gaukara do idia kikilaia hebou. Hesiai lagani ena hua ima idia ore vadaeni (September ia lao January). Kongregesen ena gaukara be edena bamona? Kongregesen taudia idia karaia namonamo vadaeni gaukara dainai umui hanamodia. Danu, do idia hanamoa diba gaukarana do umui gwauraia hedinarai, bona idia badinaia diba heduru herevadia umui kikilaia. Hesiai lagani ena hua ima ginigunadia lalodiai ia vara haroro ekspiriens kwadogina tamona eiava rua umui gwauraia. Emui hereva hadokoa totona, helai taudia hagoadaia bona durua herevadia umui gwauraia. Iesu ia moale badina ena hesiai gaukara ia karaia noho dainai. Ita danu do ita moale bema Iehova ese ita ia henia gaukarana ita karaia noho.—Ioane 4:34; 1 Kor. 15:58.
Ane 154 bona guriguri.
February 21 ai Ia Matamaia Purana
Ane 167
10 min: Kongregesen ena hadibaia herevadia. Akaun ripoti bona oi davaria kontribusen monina oi gwauraia hedinarai. Tadikaka bona taihu ese harihari monina amo sibodia edia kongregesen bona Society ena Kingdom Hall Fund idia durua dainai oi hanamodia. Saturday bona Sunday edia haroro gaukara oi gwauraia hedinarai.
15 min: “Memorial Hebouna Hegaegaelaia.” Kongregesen ia naria tauna ese inai hereva do ia henia.
20 min: “Lou Henia Karaia Sivarai Dekenai Edia Moale Oi Habadaia Totona.” Henanadai bona haere amo oi karaia. Paragraf henunai idia noho henanadai oi gwauraidia. Buka gunadia idia gaukaralaia pablisa taudia durudia totona namona be unai buka ia abia vadaeni tauna lou-henia dalana do oi haheitalaia. Danu, Mauri Hanaihanai Paradaiso Lalonai buka ia abia vadaeni tauna lou-henia dalana do oi haheitalaia; buka ena rau 14 bona 15 oi gaukaralaia.
Ane 176 bona guriguri.
February 28 ai Ia Matamaia Purana
Ane 178
10 min: Kongregesen ena hadibaia herevadia. Tadikaka bona taihu oi hagoadadia hari Saturday bona Sunday edia haroro gaukara dekenai magasin idia gaukaralaidia totona.
20 min: “Teritori ai Ita Haroro Momo Neganai.” Haroro naria tauna ese henanadai bona haere amo do ia karaia. Haheitalai ta karaia Buka Helaga Herevalaia buka, rau 10 paragraf 3 amo, unuseniai hamatamaia herevana ta ia gwau: “Ai be heduru namona davaria gabuna ai herevalaia inai gabu taudia ida. Unai heduru amo, mauri ena hekwakwanai do ita hanaidia diba. Gunaguna, taunimanima momo ese Baibel idia tahua unai heduru abia totona. To hari inai neganai, taunimanima momo edia lalohadai be idau. Dahaka oi laloa? Oi laloa Baibel be Dirava ena Hereva, eiava oi laloa ia be taunimanima ese idia torea bukana namona sibona, a? . . . Bema ia be Dirava ena amo ia mai, edena bamona unai ita hamomokania diba?” Danu, oi gaukaralaia diba hamatamaia hereva namona ma ta be rau 16 paragraf 1 ai, ia gwau: “Namo. Do ita noho namo dalana be taunimanima ida ai herevalaia. Raskol karadia bona taravatu utua karadia ma haida be bada, bona unai ese iseda noho ia hadikaia, ani? Oi laloa, nega do ia mai bena hanuaboi ai dala dekenai do ita loaloa diba mai edia gari lasi, a? (Eiava, Oi laloa unai hekwakwanai kokia dalana be ta ia diba, a?) . . . (Her. 15:3; Sal. 37:10, 11).” Eiava oiemu teritori dekenai ia namo hamatamaia herevana ta do oi gaukaralaia diba. Namona be haheitalai idia hegaegaelaia namonamo.
15 min: Henanadai. Hereva amo oi karaia, bona henanadai haida sibona be helai taudia dekenai oi henia. Namona be helai taudia oi durudia bena do idia diba dahaka dainai paragraf ginigunadia toi edia hereva idia badinaia be gau badana. Nega haida ruma taudia be mai badu danu telefon amo eiava leta amo Society dekenai idia gwau, nega momo Iehova ena Witness taudia idia hamaorodia edia ruma dekenai do idia giroa mai lasi totona, to idia do giroa mai noho. Unai dainai, ruma-ta-ruma-ta gaukara ita karaia neganai, namona be teritori ena mapu do ita sekea, bema ruma haida idia torea ita vareai lasi totona, namona be unai ruma ita hanaidia.
Ane 179 bona guriguri.