Dirava Ena Ruma Laloa Bada Karana Hahedinaraia

¹ Baibel torea negana ai, Iehova ese ena bese taudia ia haganidia hanaihanai ena ruma dekenai idia mai hebou totona. (Lev. 23:2) Unai hebou edia heduru dainai Dirava ena hereva idia lalohadailaia noho diba, bona unai negadiai idia laloa loulou, idia hebamo heheni, bona Dirava ena Taravatu idia kikilaia. Lauma dalanai hahenamo momo idia davaria, badina Dirava ena lalohadai ese edia lalona idia hahonua. Moale korikori negadia unai. Lalo-tamona karana bona tomadiho goevana idia abia isi. Iseda nega lalonai danu, Dirava ena ruma ai hebou be mai anina bada.

² Edena Bamona Ita Hahedinaraia Hebou Ita Lalodia Bada?: Kongregesen haida edia hebou dekenai idia mai taudia edia namba ia bada lasi. Nega haida, hekwakwanai dainai, tau ta be hebou ia lao henia diba lasi. To hebou haida oi reaia, hekwakwanai sisina maragidia oi hanaidia toho lasi dainai, a? Reana haida idia laloa ruma ai do idia noho sibona, kwarana ia hisihisi sisina o idia hesiku dainai. Ma haida idia laloa edia Witness lasi varavara idia mai neganai, idia hamoaledia be maduna badana. Haida be hebou idia reaia badina TV ena program ta eiava spot gadara ta idia ura itaia. Unai bamona idia karaia neganai, edia hebou laloa bada karana be Kora ena natudia edia hegeregerena lasi, idia gwau, ‘Egu souli be Iehova ena dubu helagana ia ura henia dikadika dainai ia manoka ia lao bamona.’​—⁠Sal. 84:⁠2.

³ Ena be hebou dekenai lauma aniani bada herea ia noho, to idia mai taudia haida idia kamonai namonamo lasi. Reana ma gau haida idia nihilaia bamona, unai dina ena hekwakwanai idia lalodia, eiava kahirakahira idia mahuta matamaia. To taunimanima momo be nouti torea karana ese ia durudia, idia noga noho bona hereva idia kamonai henia namonamo. Nouti idia torea murinai unai hereva do idia laloatao haraga diba. Danu, idia hegaegae guna neganai, ena namo ibounai do idia abia. Bema ita hegaegae namonamo, “ita kamonai vadaeni gauna do ita dogoatao bona badinaia” diba.​—⁠Heb. 2:⁠1.

⁴ Natudia danu, lo taudia hegeregerena, be hebou dekenai idia halasia hadibaia herevadia idia abia be namo. Natudia be gau momo do idia diba lasi bema edia tama sina ese gadara gaudia idia henidia idia ura idia regerege lasi dainai. Natudia idia gadara, idia hereva, idia tai eiava ma regerege haida idia karaia dainai ma haida idia kamonai namonamo diba lasi, ese ia hahedinaraia natudia idia do hadibaia namonamo lasi. Hebou lalonai, bema natuna ia diba tamana eiava sinana ese do ia bamoa mei rumana eiava ranu inua gabuna dekenai ia lao neganai, do ia ura lasi nega momo ia lao.

⁵ Ginidae Nega Korikorina Dekenai: Nega haida, ita hanaia diba lasi hekwakwanai dainai, nega korikorina ai hebou dekenai ita ginidae lasi. To bema ita leiti hanaihanai bona ane bona guriguri murinai ita mai, hebou ena badina helagana bona ma haida edia kamonai karana ita matauraia momokani lasi. Laloaboio lasi, kongregesen hebou dekenai iseda tadikaka danu ane bona guriguri ita abia be iseda tomadiho karana ena kahana ta. Ita hegaegae namonamo lasi eiava sediual namona ita karaia lasi dainai, nega momo do ita leiti. Nega korikorina ai hebou dekenai ita ginidae karana ia hahedinaraia iseda hebou ita matauraidia bona ita lalodia bada.

⁶ Dina be kahirakahira ia ginidae dainai, ita mai hebou ena anina ia bada ia lao. (Heb. 10:​24, 25) Hanaihanai hebou ita lao henia, ita hegaegae, nega korikorina ai ita ginidae, ita kamonai namonamo, bona ita hadibaia gaudia ita gaukaralaia; unai amo hebou laloa bada karana ita hahedinaraia.