Henanadai Mauana
◼ Haroro gaukara lalonai ita gaukaralaia kohu be edena bamona ita laloa bada?
1 Ena be sivarai namona ia harorolaia tauna ta be ena lalona dekenai do ia herevalaia Baibel siri ia hegaegaelaia vadaeni, to reana do ia gaukaralaia kohu ia hegaegaelaia lasi. Reana iduara dekenai ta ia haroro henia, to hua ena henia bukana be lasi. Ena magasin, buklet bona ena pepapepa be idia makuku bona idia hedare. Ena pensolo o house-to-house record pepana ia davaria diba lasi badina ena baege ia hegaegaelaia namonamo lasi. Haroro gaukara oi do lao lasi neganai, gau badana be emu baege oi hegaegaelaia namonamo.
2 Oi hegaegaelaia haroro baege lalonai dahaka gaudia idia noho be namo? Baibel be gau badana. House-to-house record pepadia momo danu. Namona be unai hua ena henia bukana oi abia danu. Magasin matamatadia, pepapepa bona buklet danu oi abidia be namo. Herevalaia buka danu oi abia. Unai hua ena Iseda Basileia Gaukara pepana oi abia danu, iduara ta dekenai oi do lao lasi neganai, hamatamaia hereva haida oi duahia lou diba. Bema teritori dekenai reana gado idauidau idia gwauraia taudia do oi davaridia, namona be Good News for All Nations buklet oi abia. Matamata taudia totona idia karaia bukadia ta oi abia danu, oi do idia durua matamata taudia oi hereva henidia totona.
3 Namona be oi gaukaralaia gaudia ibounai be emu baege lalonai oi atodia namonamo bona edia toadia be namo. Ena be oiemu baege be ia matamata lasi, to namona be ia goeva bona ena toana be namo. Oiemu haroro baege be kohu ta, sivarai namona harorolaia gaukarana lalonai. Oi naria namonamo.