Ena Toana Ia Namo, A?

Buka o magasin ita ura hariharilaia neganai, unai henanadai ita laloa be namo. Bema rau haida idia hedare, o idia miro, unai ese eda orea ena ladana do ia hadikaia, bona ruma tauna be eda buka o magasin ai idia noho hahemauri sivaraina do ia ura henia lasi.

Edena dala ai eda buka bona magasin edia toana idia namo? Momo be edia haroro baege ai buka bona magasin idia udaia namonamo. Hegeregere, kahana ta ai buka idia udaia, ma kahana ta ai magasin bona buklet, bona kahana ma ta be pepapepa bona gau ma haida idia udaia. Edia Baibel bona buka o magasin idia gaukaralaia murinai, baege ai idia udaia namonamo lou, idia dika lasi totona. Pablisa haida be folda o magasin udaia plastik ai edia buka bona magasin idia udaia. Herevana dahaka ita gaukaralaia, to ita ura lasi ruma tauna dekenai toana ia dika buka o magasin ita henia, bena ia ese eda hesiai gaukara do ia gwauraia dika.​​—2 Kor. 6:3.