February Ena Hesiai Hebou
February 5 Purana
Ane 96
10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Orea Ena Sivarai.
15 min: “Iesu Hegeregerena, Dina Ta Ta ai Hereva Momokani Harorolaia.” Henanadai bona haere. Paragraf 5 duahia.
20 min: “Apokalupo—Moale Korikorina Ena Ki.” Kiki herevadia oi herevalaia, bena haheitalaia ta o rua karaia.
Ane 14 bona guriguri.
February 12 Purana
Ane 191
8 min: Kongregesen ena hadibaia herevadia. Akauns ripotina.
12 min: April Ena Magasin Gaukara Totona Oi Hegaegae. Gima Kohorona bona Noga! magasin ese sivarai namona idia hahedinarai namonamo daladia oi gwauraia. Lagani gunanai, April lalonai, Basileia Sivarai pepana hariharilaia gaukara badana ita karaia, hari inai April ai magasin hariharilaia goadagoada gaukarana do ita karaia. Hari ita hegaegae be namo. Momo do idia ura heduru painia gaukara idia karaia. April ena magasin ma haida do umui oda karaia. Magasin Dinadia haida oi hegaegaelaia—daba, dina tubua, bona adorahi ai umui hebou bena momo be unai gaukara ai idia vareai diba. Namona be ita ibounai be ‘Dirava ena hereva badinaia’ taudia. Salamo 69:9 ese Mesia ena hemami ia perovetalaia hegeregerena namona be ia bamona ita gwau: “Dubu Helaga lau ura henia dikadika, bona inai ura ese lahi bamona lau ia gabua noho.”—Iam. 1:22; Ioa. 2:17.
25 min: “Kamonai Taudia be Edeseniai Lau Davaria?” Henanadai bona haere. Pablisa rua ese edena dala ai haroro gaukara dekenai mai hemataurai ida taunimanima hereva henia dalana idia herevalaia, bona Haroro School Ena Buka, rau 52-3, paragraf 6-10 ena hereva haida do idia gaukaralaia.
Ane 133 bona guriguri.
February 19 Purana
Ane 72
10 min: Kongregesen ena hadibaia herevadia.
15 min: “Dirava Dibaia Dalana Ia Hahedinaraia.” Henanadai bona haere. Iboudiai oi hagoadaia inai buka matamatana idia duahia bona idia gaukaralaia namonamo edia haroro gaukara lalonai.
20 min: “Anina Idia Davaria Totona Oi Durua.” Lou henia karaia daladia oi riviulaia. Elda tauna be pablisa rua o toi ida Apokalupo Hagugurua Negana bukana ena namo bona edena bamona unai namo ita hahedinaraia do ia herevalaia. Haheitalai ta o rua karaia. Hahedinaraia edena dala amo taunimanima ita ha-uraia diba Baibel stadi do idia ura hamatamaia Diba ese Mauri Dekenai Ita Ia Hakaua Lao bukana lalonai.
Ane 53 bona guriguri.
February 26 Purana
Ane 28
5 min: Kongregesen ena hadibaia herevadia.
12 min: “Oi Hegaegae Vadaeni . . . ?” Kongregesen naria tauna ese paragraf 4-6, bona 23-8 do ia kikilaia.
13 min: Kiki Herevadia Namodia Hegaegaelaia. Haroro naria tauna eiava elda ma ta be pablisa toi o hani ida ruma-ta-ruma-ta gaukara kiki herevadia namodia, taunimanima idia ura kamonai gaudia, idia herevalaia. Haheitalai ta be nius dekenai iseda noho hanamoa daladia; headava taudia edia hekwakwanai, gwau-edeede natudia, eiava moni gaukara davaria be auka; eiava raskol karadia idia ripotilaia neganai, ita gaukaralaia. Hari nius dekenai dahaka ia vara iseda gabu dekenai sivaraidia oi gwauraia hedinarai, bona edena bamona oi gaukaralaia herevahereva hamatamaia totona oi hahedinaraia.
15 min: March Lalonai, Diba ese Mauri Dekenai Ita Ia Hakaua Lao Bukana Hariharilaia. Buka lalonai herevahereva hamatamaia gaudia oi hahedinaraia. (1) Ena laulau namodia, hegeregere rau 4-5, 86, 124-5, bona 188-9 dekenai idia noho laulaudia. (2) Karoa ibounai ena doko kahana ai, riviu henanadai idia noho bona idia oi gaukaralaia emu kiki herevana lalonai. Ruma tauna oi nanadaia bema unai henanadai edia haere ia ura dibaia. Rau 11, 22, 61, bona 149 dekenai idia noho henanadai amo, haida oi abia hidi. (3) Rau 102 dekenai oi lao diba, bona edena bamona “Dokona Dinadia Gaudia Haida” mauana oi gaukaralaia taunimanima edia kamonai karana habadaia totona oi hahedinaraia. (4) Hahedinaraia goevagoeva inai buka idia karaia dalana ese stadilaia taudia do ia durua lauma dalanai do idia goada idia lao haraga totona. Ena karoa idia kwadogi, ena herevalaia dalana be auka lasi, mai edia goada Baibel siridia idia torea hanai, bona ena henanadai namodia ese hereva badadia idia hahedinaraia maoromaoro. Iboudiai oi hagoadaia buka idia hariharilaia neganai, namona be stadi idia hamatamataia toho danu.
Ane 151 bona guriguri.