Hadibaia Hereva

◼ February ena henia gauna: Emu Ruma Bese Hamoalea Dalana, ena davana be 50 toea, eiava Apokalupo​—Ena Hagugurua Negana Ia Kahirakahira!, ena davana be K4.00. March: Diba ese Mauri Dekenai Ita Ia Hakaua Lao, ena davana be K1.50. April Bona May: Gima Kohorona sabskripsen, davana be K8.00. Bema sabskripsen idia ura lasi, magasin rua bona Mase Taudia Edia Lauma buklet umui hariharilaia, edia davana be K1.00. ITAIA: Bema kongregesen ese unai gaudia idia do oda lasi, namona be Literature Order Form (S-AB-14) dekenai oda idia karaia.

◼ Seketere bona haroro naria tauna ese regula painia taudia iboudiai edia gaukara idia riviulaia be namo. Bema haida idia hekwarahi bona edia haroro hora idia hagugurua diba lasi, namona be elda taudia ese idia durudia. Revareva ta, S-AB-201 10/85 gauna ena hereva, bona idia abia autlain idia laloa be namo.

◼ Tuesday, April 2, 1996 ai, Memorial do ita karaia. Ena be hereva oi hamatamaia, to mani umui laloaboio lasi, paraoa bona uaina do umui henia lasi ela bona dina ia diho momokani. Unai dina dekenai haroro hebou umui karaia diba to hebou ma ta do umui karaia lasi. Bema Tuesday be emui kongregesen ena hebou dinana, reana ma dina ta, kongregesen ma ta ese Kingdom Hall idia gaukaralaia lasi dinana dekenai, oi karaia.

◼ March, April, bona May lalonai heduru painia gaukara idia ura karaia pablisa taudia be hari edia aplikeisini idia henia be namo. Unai ese elda taudia do ia durua haroro heboudia, magasin, bona buka idia hegaegaelaia namonamo totona.

◼ Kongregesen naria tauna, seketere, bona buka bona sabskripsen ia naria tadikakadia ai ura ai hamaoroa lou, namona be December 15, 1995, ena revareva ia herevalaia hegeregerena, buka bona magasin edia davana ai haidaua. Kongregesen idia hadibaia be namo. Edia davana be January 1 ai idia haidaua.

◼ Umui ai hadibaia namona be emui magasin bona buka edia oda umui siaia haraga. Emui Literature Order Form (S-AB-14) ai abia negana amo, wiki 8 ia lao wiki 16 bamona do umui naria, emui kongregesen ena daudau hegeregerena, bena unai gaudia do umui abia.

◼ Emu kongregesen ese magasin dinana badana ia abia hidi vadaeni, a? Kongregesen momo ese lagani ta ta ai dina ta idia abia hidi edia magasin hariharilaia gaukarana habadaia totona. Kongregesen haida ese April lalonai idia karaia, to hua namona ma ta umui abia hidi diba danu. Pablisa iboudiai ai hagoadaia hua ta ta iboudiai ai, mai emui ura bada ida magasin umui hariharilaia.

◼ Umui Abia Diba Buka Matamata:

Jehovah’s Witnesses and Education​—Fijian

Ane amo Iehova Hanamoa (Ane buka maragina)​—Tagalog

◼ Hari Umui Abia Lou Gaudia:

Mauri Hanaihanai Tanobada Dekenai Oi Abia!​—Solomon Islands Pidgin

Buka Helaga Herevalaia​—Chinese

Inai Gavamani ese Paradaiso Do Ia Mailaia​—English

◼ Umui Abia Diba Kompak Disk:

Sing Praises to Jehovah​—English (Unai be Kingdom Melodies karaia dalana hegeregerena lasi.)