January Ena Hesiai Hebou

January 6 Purana

Ane 6

10 min: Kongregesen ena hadibaia herevadia. Iseda Basileia Gaukara pepana amo Hadibaia Herevadia haida abia hidi. Papua New Guinea ena bona kongregesen ena September haroro ripotina oi herevalaia.

20 min: Advance Medical Directive/Release Kadi Matamata Hahonua Ena Nega. Lo elda ta be kadi ibounai hahonua bona nega ibounai dogoatao karana ena namo ia herevalaia. Aksiden ia vara neganai unai pepa ese emu lalohadai do ia hahedinaraia bema oi hereva diba lasi neganai. (Aonega Herevadia 22:3 itaia.) Namona be lagani ta ta ai kadi matamata ita hahonua rara dadaraia hereva matamatana ita henia totona, badina doketa taudia bona ma haida idia gwau reana lagani tamona gunanai ita hahonua pepana ese iseda lalohadai hari ia hahedinaraia lasi. Hebou murinai, bapatiso pablisa iboudiai ese Advance Medical Directive/Release kadi do idia abia, bona bapatiso lasi natudia idia noho neganai, Identity kadi idia abia natudia ta ta ibounai totona. Hahedinaraia unai kadi be hebou lalonai do idia hahonua lasi. Namona be ruma dekenai do idia hahonua namonamo to idia sainia LASI. Pura vaira ena Kongregesen Buka Stadi murinai, buka stadi naria tauna ese unai gaukara do ia naria lalonai, kadi iboudiai do idia sainia, bona uitnesi edia ladana bona deit do idia torea. Ia ese do ia hamomokania ena grup taudia ibounai be kadi idia abia bona heduru idia ura neganai do ia durua. Namona be uitnesi bamona edia ladana idia torea taudia be kadi biaguna ese ena kadi ia sainia idia itaia be namo. Naria/elda taudia ese unai neganai idia noho lasi taudia be pura vaira ena Hesiai Hebou lalonai do idia durudia ela bona bapatiso pablisa taudia ibounai be dala maorona ai idia hahonua bona idia sainia kadi idia abia. (August 1, 1992 ena revareva duahia lou.) Bema idia ura, bapatiso lasi pablisa ese edia mauri bona lalohadai hahedinaraia totona unai kadi ena hereva haida idia gaukaralaia diba, sibona edia pepa idia torea idia bona edia natudia totona. Mai aonega ida unai gau badadia ita hegaegae dainai Iehova amo namo do ita abia.​—Aon. 16:20.

15 min: “Ita Hegeregere Bona Ita Hegaegae Vadaeni Ma Haida Ita Hadibaia Totona.” (Paragraf 1-6) Paragraf 1-2 herevalaia sisina, hahedinaraia goevagoeva namona be ita diba Iehova ena heduru dainai ma haida ita hadibaia diba bena anina namona ia vara. Pablisa rua bona ruma tauna rua abia hidi paragraf 3-6 edia hereva idia haheitalaia totona, idia ese vadivadi ginigunana bona lou henia do idia hahedinaraia.

Ane 14 bona guriguri.

January 13 Purana

Ane 16

15 min: Kongregesen ena hadibaia herevadia. Akauns ripotina. Taunimanima ida do ita herevalaia herevadia magasin matamatadia amo gwauraia. Nega bona gabu idaudia ai haroro gaukarana lalonai hereva hamatamaia daladia haida herevalaia. Helai taudia boiria sitoa ai, dala ai, loaloa uma gabu ai, basi bona peleini ai, bona gabu ma haida ai taunimanima idia hereva henia neganai idia gaukaralaia hamatamaia herevadia do idia gwauraia.

15 min: “Ita Hegeregere Bona Ita Hegaegae Vadaeni Ma Haida Ita Hadibaia Totona.” (Paragraf 7-9) Lou henia gaukarana ena haheitalai ta 1995 Yearbook, rau 45 amo gwauraia, hahedinaraia goevagoeva kamonai taudia ita davaria murinai ita lou henia be namo. Pablisa namona abia hidi paragraf 7-8 edia hereva haheitalaia totona. Ena be ma buka haida ita hariharilaia guna, namona be ita hekwarahi Diba bukana amo stadi do ita karaia. Iboudiai hagoadaia pura vaira lalonai nega idia atoa siri lou henia karaia totona.

15 min: Hereva ta October 1, 1994 ena Gima Kohorona rau 26-30 dekenai ia noho “Emu Natuna Oi Durua Iehova Do Ia Abia Hidi Totona, A?” herevana amo.

Ane 15 bona guriguri.

January 20 Purana

Ane 21

10 min: Kongregesen ena hadibaia herevadia.

15 min: “Taunimanima Idauidau ese Mauri Do Idia Davaria.” Henanadai bona haere. Helai taudia boiria mauri idauidau taudia ese sivarai namona idia kamonai ena ekspiriens haida idia herevalaia sisina.

20 min: Kongregesen durua herevana. Eiava “Nega Ibounai Oiemu Lalo-Hekwarahi be Iehova Dekenai Oi Henia.” Hagoadaia herevana Gima Kohorona, April 1, 1996, rau 27-9 amo.

Ane 23 bona guriguri.

January 27 Purana

Ane 20

15 min: Kongregesen ena hadibaia herevadia. Henanadai Mauana herevalaia.

15 min: “ ‘Sivarai Namona’ Ita Harorolaia.” Henanadai bona haere. Hereva haida amo Dirava ena Hereva ita laloa bada ena badina hahedinaraia.​—March 22, 1984, Awake!, rau 9-​11 itaia.

15 min: February ena Henia Gauna herevalaia. Buka ena namo haida herevalaia, hegeregere: (1) Karoa edia sinado namodia, (2) mai edia kala idauidau laulaudia, (3) hadibaia maua bona mapu idauidau, bona (4) idia printaia lalona veria henanadai. Idia karaia vadaeni kahana hegeregerena, iboudiai hagoadaia Baibel siri namona idia abia hidi do idia gaukaralaia totona. Hamatamaia hereva kwadogidia tamona o rua haheitalaia. Iboudiai hadibaia buka do idia abia inai wiki lalonai gaukaralaia totona.

Ane 26 bona guriguri.