Magasin Gunadia Gaukaralaia Namonamo

Gima Kohorona bona Awake! gunadia lalonai idia noho hereva edia anina ia boio lasi eiava nega ia hanaia lalonai ena anina ia maragi lasi. Unai dainai, namona be magasin gunadia hariharilaia totona ita daradara lasi​—herevana idia be gunana momokani vadaeni​—bema edia toana idia namo. Magasin gunadia haboua bona gaukaralaia lasi karana ese unai mai anina bada gaudia laloa bada lasi karana ia hahedinaraia. Magasin ta ta lalodiai idia noho hereva momokanidia be idia hegeregere taunimanima idia hanogaia bamona bona edia ura lauma gaudia dekenai idia hagugurua. Magasin gunadia ita atoa siri bona ita laloaboio lasi, to iseda teritori lalonai idia noho taudia dekenai ita hariharilaidia be namo, ani?

Tadikaka haida be magasin matamatadia idia hariharilaia neganai, magasin gunana ta danu idia henia. Oiemu magasin gunadia lalonai idia noho herevadia oi itaia lou. Unai magasin haida idia namo, emu gaukara o sikuli gabuna ai idia noho taudia totona, a? Emu Baibel stadi namodia oi hagoadaia, idia dibaia gaudia be magasin amo edia turadia bona varavara dekenai idia hahedinaraia totona, a? Ita be sivarai namona harorolaia taudia dainai, namona be ita ibounai ese magasin gunadia ita gaukaralaia namonamo.

This article is unique to PNG.