April Ena Hesiai Hebou
April 5 Purana
Ane 55
8 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Kamonai taudia iboudiai umui boiria mai pablik tok badana idia kamonai totona, April 18 ai. Unai hereva ena ladana be “Hetura Karana Momokanina Dirava Ida Bona Dekena Taudia Ida.”
17 min: “Mai Eda Ura Bada ida Sivarai Namona Harorolaia.” Miniti tamona lalonai inai hereva oi hamatamaia, bena henanadai bona haere amo oi karaia. Dokonai Hesiai Gaukara Karaia Totona Ita Hegaegae bukana, rau 116, “Nega Vairanai Dahaka Oi Ura Karaia Lauma Dalana Dekenai?” ena kahana amo idia oi hagoadaia.
20 min: “Ruma Bese Taudia Idia Gaukara Hebou Dalana—Haroro Gaukara Lalonai.” Ruma bese ta idia herevahereva hebou. Dahaka dainai ruma bese taudia idia laloa idia ibounai ese pura ta ta iboudiai haroro gaukara idia karaia be namo, idia herevalaia. September 1, 1993, Gima Kohorona, rau 17-19, paragraf 9-12 lalonai ia noho hagoadaia herevadia oi riviulaia. Kongregesen lalonai idia helai tama sina oi nanadaia edena bamona idia be mai kwalimu ida ruma bese idia haroro totona idia hegaegae.
Ane 67 bona guriguri.
April 12 Purana
Ane 112
8 min: Kongregesen ena hadibaia herevadia. Akaun ripotina.
17 min: Kongregesen durua herevana. Eiava “Sene Tubudia Tomadiho Henidia Karana” Herevalaia bukana amo, rau 358-360 oi herevalaia.
20 min: “Dokona Ia Mai Kahirakahira Noho Lalonai Haroro Gaukara Ita Habadaia.” Henanadai bona haere. Guna idia laloa idia be haroro gaukara do idia karaia diba lasi to hari hanaihanai idia karaia badina idia diba Basileia sivaraina harorolaia gaukarana be mai anina bada pablisa tamona o rua oi nanadaia. Nega ia hegeregere neganai, September 1996 Iseda Basileia Gaukara pepana lalonai idia udaia gauna amo ekspiriens haida oi gaukaralaia. Idia ese pablisa taudia be taunimanima idia noho gabudia ai idia haroro neganai, idia davaria ekspiriens idia hahedinaraia.
Ane 93 bona guriguri.
April 19 Purana
Ane 79
5 min: Kongregesen ena hadibaia herevadia.
10 min: “Oi be mai Emu Magasin Oda, A?” Hereva ta, magasin ia naria elda eiava hesiai tauna ia karaia be namo. Pablisa taudia oi hamaoroa kongregesen be hua ta ta ibounai magasin hida ia abia bona idia hariharilaia magasin ena averes be hida. Namo lasi ruma dekenai eiava kongregesen dekenai magasin ita haboudia. “Magasin Gunadia Gaukaralaia Namonamo” oi herevalaia danu.
30 min: “Painia Gaukara—Iseda Nega be mai Aonega ida Ita Gaukaralaia Gaukarana!” Henanadai bona haere. Taunimanima toi oi abia hidi idia ese paragraf 5-7 lalonai idia noho ekspiriens idia gwauraia totona. Dokonai, idia hegeregere pablisa taudia oi hagoadaia idia ese heduru painia eiava regula painia gaukara idia laloa totona. Kongregesen Hesiai Komiti ena elda ta amo aplikeisen oi abia diba. Idia oi hadibaia nega ia do noho edia aplikeisen do idia atoa May ai heduru painia gaukara idia karaia totona.
Ane 165 bona guriguri.
April 26 Purana
Ane 70
10 min: Kongregesen ena hadibaia herevadia. Ibounai oi hamaorodia edia April haroro ripoti do idia henia. May lalonai heduru painia gaukara do idia karaia taudia edia ladana oi gwauraia, bona ma haida oi hagoadaia aplikeisen ta idia henia totona. Magasin sabskripsen hariharilaia totona heduru herevadia haida oi henia.—October 1996 Iseda Basileia Gaukara pepana, rau 8 itaia.
20 min: “Dahaka Do Lau Karaia be Namo?” Hereva kwadogina amo helai taudia ida inai kahana oi herevalaia murinai, haheitalai ta amo ena mauri lagani be 15 bamona mero o kekeni ta be ena tamana eiava sinana ida dahaka do ia karaia haisikuli ia haorea murinai idia kikilaia hebou. Idia ruaosi ese July 1998 Iseda Basileia Gaukara pepana, rau 4 idia riviulaia. Unai tamana eiava sinana ese February 1, 1996, Gima Kohorona, rau 14, bona December 1, 1996, Gima Kohorona, rau 17-19 amo heduru herevadia do ia henia. Painia gaukara ena hora idia diho dainai, unai mero o kekeni ia laloa reana ia hegeregere ia do sikuli noho neganai painia gaukara do ia karaia.
15 min: Heduru Painia taudia henanadai henia. Haroro naria tauna ese inai hua bona vanegai hua haida lalonai heduru painia gaukara idia karaia pablisa taudia haida ia henanadai henia. Oi nanadaia, idia ese dahaka hahenamo idia davaria, edena anina idia havaraia, bona dahaka dainai nega tamona eiava rua lagani ta ta ai idia ura heduru painia gaukara idia karaia, idia gwauraia totona.
Ane 69 bona guriguri.