Hesiai Hebou Ena Sediual

March 12 Purana

Ane 112

10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. “Kontribusen Mauadia,” rau 7 ai, gwauraia danu.

15 min: Seketere ese Iseda Basileia Gaukara pepana, September 1999, rau 4 amo, “Iseda Buka Bona Magasin Hariharilaia Dalana” ia herevalaia.

20 min: “April​​—‘Ita Hekwarahi Bona Iseda Goada Ita Gaukaralaia Negana.’ ” (Paragraf 1-​13) Kongregesen gunalaia tauna ese ia karaia. April dekenai ita ura karaia gaudia be mai ena ura ida helai taudia danu herevalaia. Kongregesen taudia ibounai hagoadaia, April lalonai idia ta ta ese edia kahana idia karaia bena ita ibounai ese haroro gaukara do ita karaia.

Ane 147 bona guriguri.

March 19 Purana

Ane 166

8 min: Kongregesen ena hadibaia herevadia. Akaun ripotina.

15 min: Lagani ta ta ai Society ese Dina Iboudiai Buka Helaga Tahua buklet ia halasia. Unai buklet umui gaukaralaia namonamo, a? Dina ta ta edia siri ita laloa karana amo ia mai namo gwauraia hedinarai. Dina Iboudiai Buka Helaga Tahua​​—2001 ena rau 3-4 amo, hamatamaia herevana herevalaia. Pablisa taudia oi noia idia ta ta eiava ruma bese ida dina ena siri bona hereva idia laloa hanaihanai dalana idia gwauraia.

22 min: “April​​—‘Ita Hekwarahi Bona Iseda Goada Ita Gaukaralaia Negana.’ ” (Paragraf 14-30) Haroro naria tauna ese ia karaia. Hereva henia bona kahana haida be henanadai bona haere dalanai karaia. Namona be iboudiai ese sediual namona idia karaia April lalonai haroro gaukara idia goadalaia totona. April totona umui palanilaia haroro sediual ibounai hahedinaraia. Idia karaia diba taudia ibounai hagoadaia heduru painia gaukarana do idia karaia bona hebou murinai aplikeisen do idia abia.

Ane 188 bona guriguri.

March 26 Purana

Ane 204

10 min: Kongregesen ena hadibaia herevadia. Oi hahedinaraia nega ia do noho April lalonai heduru painia gaukara idia karaia totona aplikeisen idia henia totona. Iboudiai hagoadaia April 3-8 edia Memorial Baibel duahiduahi sediual do idia badinaia, Dina Iboudiai Buka Helaga Tahua​​—2001 ese ia hahedinaraia hegeregerena. Memorial purana lalonai Gima Kohorona stadi umui karaia negana gwauraia. Hari Sunday, April 1, ena pablik tok badana laloaboio lasi, ena sinado be “Daika be Hahemauri Ia Abia Diba?” Iboudiai hagoadaia unai dina ai haroro gaukara do idia karaia bona April be dala namona ai idia hamatamaia.

20 min: “Ita ese Iehova Bona Iesu Ita Matauraia be Namo.” Elda ta ese lauma dalanai iboudiai ia hasiahua herevana ia henia. Iboudiai hagoadaia, April totona ita palanilaia gaukara badana do idia durua bona do idia hekwarahi taunimanima be Memorial dekenai idia boiria totona.

15 min: Magasin Hariharilaia Herevana Ita Hegaegaelaia. April lalonai ita ese Gima Kohorona bona Awake! ita hariharilaia. Rau 4, paragraf 3 bona 10, be October 1996 Iseda Basileia Gaukara pepana amo herevalaia. Magasin matamatadia ta ta ita hariharilaia neganai ita gaukaralaia namonamo diba (1) hereva ta, (2) ita herevalaia gauna ta, (3) lalona veria henanadai ta, bona (4) siri namona ta hahedinaraia. Kamonai taudia ida Baibel stadi ita hamatamaia totona Dahaka Ita Karaia? buklet eiava Diba buka ita gaukaralaia toho. Nega ginigunana ta ita vadivadi henia neganai unai ita karaia diba dalana be idia hegaegaelaia namonamo haheitalai amo hahedinaraia.

Ane 207 bona guriguri.

April 2 Purana

Ane 220

9 min: Kongregesen ena hadibaia herevadia. Pablisa taudia hadibaia March ena haroro ripoti do idia henia. “Memorial Ena Hereva Haida” gwauraia.

18 min: “Lalokau ese Ita Ia Hasiahua Dainai Ita Haroro.”a (Futnout itaia.) Unai hereva ena siri idauidau herevalaia. Bema English gado oi diba, Insight, Volium 2, rau 673, paragraf 1 amo lalohadai haida gwauraia. Lagani momo lalonai haroro gaukara ia karaia pablisa ta oi noia, bena do ia hahedinaraia edena dala ai Dirava ia lalokau henia karana ese ia hasiahua dainai ia do haroro noho. Pablisa taudia ibounai hagoadaia April lalonai bona unai murinai hua ta ta lalonai do idia haroro.

18 min: “Ma Haida Oi Durua Hebou Dekenai Idia Mai Totona.”b (Futnout itaia.) June 1996 Iseda Basileia Gaukara lalonai idia udaia pepana, paragraf 14-​16, ese ma hereva haida ia hahedinaraia, Baibel stiuden taudia be orea dekenai ita hakaua totona. Oi hahedinaraia edena dala ai Dahaka Ita Karaia? buklet (kahana 5, paragraf 7) bona Diba buka (karoa 5, paragraf 22) ruaosi ita gaukaralaia amo stiuden taudia ita hagoadaia diba, maoromaoro hebou dekenai idia mai totona. Unai hahedinaraia totona, idia hegaegaelaia namonamo haheitalai lalonai pablisa namona ese stiuden tauna ia hagoadaia hebou dekenai ia mai karana ia laloa namonamo totona.

Ane 47 bona guriguri.

[Footnotes]